අවුරුදු සමයේ අධිවේගී මාර්ගවල ආදායම රු. මිලියන 441 ඉක්මවයි

අලුත් අවුරුදු සමයේ 10 වෙනිදා සිට 18 වෙනිදා දක්වා අධිවේගී මාර්ග භාවිතා කළ රථ වාහන වලින් රුපියල් මිලියන 441 කට වැඩි මුදලක් උපයා ගැනීමට හැකි වූ බව මාර්ග සංවර්ධන අධිකාරියේ අධ්‍යක්ෂ ජනරාල් ඉංජිනේරු අනුරාධ හෙට්ටිආරච්චි මහතා පවසයි.

එම කාලය තුල රථ වාහන 1,170,830ක් අධිවේගී මාර්ගය භාවිතා කිරීමෙන් මෙම ආදායම ලබා ගැනීමට හැකි වී ඇති බව ඒ මහතා සඳහන් කළේය.

දක්ෂිණ අධිවේගී මාර්ගය, කොළඹ පිටත වටරවුම් මාර්ගය, කොළඹ - කටුනායක මාර්ගය සහ මධ්‍යම අධිවේගී මාර්ගයන්වලින් ධාවනය වූ වාහන වලින් එම ආදායම උපයා ඇතැයි හෙතෙම වැඩිදුරටත් පැවසීය.

ඉරාන යුද්ධය නිසා වියදම් ඉහළ යන විට බංග්ලාදේශයත් ඉන්ධන මිල ඉහළ දමයි

*අප්‍රේල් 10 වෙනිදා, අධිවේගී මාර්ගය භාවිත කළ රථ වාහන ගණන 161,847ක් - ආදායම රුපියල් මිලියන 59.8 ක්.

*අප්‍රේල් 12 වෙනිදා, අධිවේගී මාර්ගය භාවිත කළ රථ වාහන ගණන 118,684ක් - ආදායම රුපියල් මිලියන 45.2 ක්

*අප්‍රේල් 13 වෙනිදා, අධිවේගී මාර්ගය භාවිත කළ රථ වාහන ගණන 84,211ක් - ආදායම රුපියල් මිලියන 31.6 ක්

*අප්‍රේල් 14 වෙනිදා, අධිවේගී මාර්ගය භාවිත කළ රථ වාහන ගණන 91,776ක් - ආදායම රුපියල් මිලියන 34.3 ක්

*අප්‍රේල් 15 වෙනිදා, අධිවේගී මාර්ගය භාවිත කළ රථ වාහන ගණන 139,480ක් - ආදායම රුපියල් මිලියන 52.5 ක්

*අප්‍රේල් 16 වෙනිදා, ආදායම රුපියල් මිලියන 53 ක්

*අප්‍රේල් 17 වෙනිදා, අධිවේගී මාර්ගය භාවිත කළ රථ වාහන ගණන 138,944 ක් - ආදායම රුපියල් මිලියන 53 ක්

*අප්‍රේල් 18 වෙනිදා, අධිවේගී මාර්ගය භාවිත කළ රථ වාහන ගණන 141,813 ක් - ආදායම රුපියල් මිලියන 53 කට වැඩි

පුද්ගලයන් ලියාපදිංචි කිරීමේ දෙපාර්තමේන්තුවෙන් සුබ පණිවිඩයක්