රුපියල් මිලියන 25,000ක "ප්රජා ශක්ති" ජාතික වැඩසටහන ඇරඹෙයි- සෑම ග්රාම නිලධාරී වසමකටම සංවර්ධන ව්යාපෘතියක්
ග්රාමීය සංවර්ධන, සමාජ ආරක්ෂණ හා ප්රජා සවිබලගැන්වීම් අමාත්යාංශය යටතේ ක්රියාත්මක ග්රාමීය සංවර්ධන කාර්යාංශය සහ ප්රජා ශක්ති ජාතික මහ ලේකම් කාර්යාලය එක්ව දිළිඳුකම තුරන් කිරීමේ ජාතික වැඩසටහන වන "ප්රජා ශක්ති" වැඩසටහන ක්රියාවට නංවා තිබේ .
ඒ අනුව, ශ්රී ලංකාවේ සෑම ග්රාම නිලධාරී වසමකම අවම වශයෙන් එක් සංවර්ධන ව්යාපෘතියක් හෝ ක්රියාත්මක කිරීමට සැලසුම් කරයි ඒ සඳහා 2026 අයවැයෙන් වෙන් කර ඇති මුදල රුපියල් මිලියන 25,000කි.
මේ වන විට දිවයින පුරා ග්රාමීය මට්ටමින් සංවර්ධන ව්යාපෘති 15,646ක් පමණ ආරම්භ කර ඇති අතර, එහි මූල්ය වටිනාකම රුපියල් මිලියන 22,425කි. සමස්ත ව්යාපෘති ප්රමාණයෙන් සියයට 53.2ක්, එනම් ව්යාපෘති 8,323ක්, ජීවනෝපාය සංවර්ධන කටයුතු සඳහා ද, ඉතිරි සියයට 46.8ක්, එනම් ව්යාපෘති 7,323ක්, යටිතල පහසුකම් සංවර්ධනය සඳහා ද වෙන් කර තිබේ .
ඒ යටතේ නුවරඑළිය දිස්ත්රික්කයේ ක්රියාත්මක සංවර්ධන වැඩසටහන්වල ප්රගති සමාලෝචනයක් ග්රාමීය සංවර්ධන, සමාජ ආරක්ෂණ හා ප්රජා සවිබලගැන්වීම් අමාත්ය ආචාර්ය උපාලි පන්නිල මහතාගේ ප්රධානත්වයෙන් නුවරඑළිය දිස්ත්රික් ලේකම් කාර්යාල ශ්රවණාගාරයේදී පැවැත්විය.
මේ වන විට නුවරඑළිය දිස්ත්රික්කයේ ක්රියාත්මක කිරීමට අපේක්ෂිත මුළු ව්යාපෘති සංඛ්යාව 786ක් වේ එහි සමස්ත වටිනාකම රුපියල් මිලියන 997.84ක් බව එහිදී අනාවරණය වී තිබේ .
එසේ ක්රියාත්මක වන සමස්ත ව්යාපෘති සංඛ්යාවෙන් 263ක් ජීවනෝපාය සංවර්ධන ව්යාපෘති වන අතර, ඒ සඳහා වෙන් කර ඇති දළ ඇස්තමේන්තුගත මුදල රුපියල් මිලියන 296.19කි.
තවද, ව්යාපෘති 286ක් යටිතල පහසුකම් සංවර්ධන ව්යාපෘති වන අතර, ඒ සඳහා වෙන් කර ඇති දළ ඇස්තමේන්තුගත මුදල රුපියල් මිලියන 543.22කි. එමෙන්ම ප්රජා ශක්ති දිළිඳුකම තුරන් කිරීමේ ජාතික වැඩසටහනට සමගාමීව දිස්ත්රික් ලේකම් කාර්යාල හා ප්රාදේශීය ලේකම් කාර්යාල මට්ටමින් පිහිටුවා ඇති ප්රජා ශක්ති ඒකක සඳහා තාක්ෂණික උපකරණ හා පහසුකම් සංවර්ධනය වෙනුවෙන් එක් ඒකකයකට රුපියල් ලක්ෂ 5 බැගින්, 2026 වර්ෂයට අදාළව රුපියල් මිලියන 182.5ක මූල්ය ප්රතිපාදන ලබා දී ඇති බව ද එහිදී අනාවරණය විය.
සියලු සංවර්ධන ව්යාපෘති කඩිනම් කර හැකි ඉක්මනින් ජනතා අයිතියට පත් කිරීමට කටයුතු කරන ලෙසත්, රාජ්ය මූල්ය විනය ආරක්ෂා කර ගනිමින් සංවර්ධන ව්යාපෘතිවල උපරිම ප්රතිලාභ ජනතාවට ලැබෙන සේ ඒවා ක්රියාත්මක කරන ලෙසත් අමාත්ය උපාලි පන්නිල මහතා විසින් නිලධාරීන්ට උපදෙස් ලබා දෙන ලදී.
2025 වර්ෂයේදී ඒ සඳහා රුපියල් මිලියන 365ක මූල්ය ප්රතිපාදන ලබා දී තිබේ
![ස්වභාවධර්මය කියන්නේ හරිම භයානක දෙයක්.. ලොවම කම්පා කළ නේපාලේ විනාසය 2009 ම චිත්රපටියකට ගහලා.. චිත්රපට දර්ශනයක් ලෝකෙම සමාජ මාධ්ය කළඹයි [VIDEOS]](https://cdn.ibcstack.com/article/2ffa476b-737e-4749-a861-0dabdb12a1bb/26-6a92a92382ae5-sm.webp)
![මේ දුම්රිය සේවා ගැන නරක ආරංචියක් - ශ්රී ලංකා දුම්රිය ස්ථානාධිපතිවරුන්ගේ සංගමයෙන් බරපතළ චෝදනාවක් [VIDEO]](https://cdn.ibcstack.com/article/bcac04c8-017e-42d5-a452-73237e7c66a1/26-6a9172f766db6-sm.webp)
![තාත්තා බීලා හිටියට සර්ට ගහන්න අයිතියක් නෑනේ.. මේ මනුස්සයගේ ලේ බලන්නකෝ.. නෑ මම යන්නෑ.. - තාත්තට ගැහුවට පුතා පොලිසිය දෙවනක් කරයි [VIDEO]](https://cdn.ibcstack.com/article/53b11160-ac29-4623-9a8a-edb4c2a449d8/26-6a8dc2e06aec0-sm.webp)
![පෙරපාසල් දරුවගේ ඇඳුම ගලවලා ගහලා - බයට හෘදයාබාධයෙන් දරුවා මියගිහින් - CCTV නිසා ගුරිවරිය අතටම මාට්ටු [VIDEO]](https://cdn.ibcstack.com/article/2e134584-8ce4-450c-8afb-222337903fa2/26-6a8aa6ad1471e-sm.webp)
![දැයෙන් සමුගන්නා ජාතියේ යශෝරාවය - නන්දා මාලනියගේ අවසන් කටයුතු පිළිබඳ සජීවි විකාශය [VIDEO]](https://cdn.ibcstack.com/article/a1e7be1b-985d-4581-b67f-21bcfbbe5429/26-6a8977098b71f-sm.webp)
![පාර්ලිමේන්තු සභාවාරය ආරම්භයි [LIVE]](https://cdn.ibcstack.com/article/fee83d2c-6870-4444-84fa-15801f3a69c6/26-6a867fafbb2a5-sm.webp)
![පාර්ලිමේන්තු සභාවාරය ආරම්භයි [LIVE]](https://cdn.ibcstack.com/article/03e9161e-00a7-4393-825c-6304d903f53d/26-6a852d5f7da47-sm.webp)
