ගතවූ පැය 24 තුළ වැඩිම වර්ෂාපතනය අවිස්සාවේල්ලෙන් - හෙට 8.30 දක්වා බලපැවැත්වෙන පරිදී රතු නිවේදනයක්

තද වැසි පිළිබඳ අනතුරු ඇඟවීමේ රතු නිවේදනයක් කාලගුණ විද්‍යා දෙපාර්තමේන්තුව විසින් නිවේදනය කර ඇත.

ඒ අනුව බස්නාහිර, සබරගමුව, වයඹ පළාත් සහ ගාල්ල සහ මාතර දිස්ත්‍රික්ක සඳහා අද (15) දින උදෑසන 9.30ට නිකුත් කර ඇති මෙම නිවේදනය හෙට උදෑසන 8.30 දක්වා බලපැවැත්වෙන බව සඳහන්.

අද(15) දින උදෑසන දත්ත විශ්ලේෂණ අනුව, ශ්‍රී ලංකාවට ඊසාන දෙසින් පිහිටා ඇති අඩු පීඩන කලාපය තවදුරටත් පවතින අතර එම පද්ධතිය, ඉදිරි පැය 36 තුළ ශ්‍රී ලංකාවෙන් ඉවතට ගමන් කරනු ඇතැයි අපේක්ෂා කෙරෙන බව කාලගුණ විද්‍යා දෙපාර්තමේන්තුව පවසයි.

ඉදිරි පැය 48 ගංවතුර අනතුරු ඇඟවීමක් - මේ ප්‍රදේශවල පදිංචිකරුවන්ට විශේෂ දැනුම් දීමක්

ඒ අනුව බස්නාහිර, සබරගමුව සහ වයඹ පළාත්වල ඇතැම් ස්ථානවලට මි. මී. 150 ක පමණ ඉතා තද වැසි ඇතිවිය හැකි බවත් ගාල්ල සහ මාතර දිස්ත්‍රික්ක වල ඇතැම් ස්ථානවල මි.මී. 100ට වැඩි තද වැසි ඇතිවිය හැකි බව සඳහන්.

කෙසේ වෙතත් ගිගුරුම් සහිත තද වැසි සමඟ ඇති විය හැකි තද සුළං සහ අකුණු මඟින් සිදුවිය හැකි අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවට දැනුම් දී ඇත.

මේ අතර ගතවූ පැය 24 තුළ මි.මී 175.0ක වැඩිම වැස්ස අවිස්සාවේල්ල ප්‍රදේශයෙන් වාර්තා වී ඇති බව ද වාර්තා වේ.

තාමත් ලංකාවෙන් ඉවතට නොගිය අඩුපීඩන කලාපය ගැන දැනුම්දීමක් - අද වෙන්නේ මේකයි

මීට සුළු මොහොතකට පෙර අවවාදාත්මක නිවේදනයක් - සවස 3.30 දක්වා වලංගු වන පරිදී මේ අයට මි.මි 200ට වැඩි තද වැසි තත්ත්ව

නැවතත් එල්ලිනෝ තත්ත්වයක් - විශේෂ හෙළිදරව්වක්