රනිල් මහින්ද උමන්දාවට!
Gagana News
හිටපු ජනාධිපතිවරුවන් වන මහින්ද රාජපක්ෂ මහතා සහ රනිල් වික්‍රමසිංහ මහතා අද (25) උමංදාව බෞද්ධ විශ්ව ගම්මානයේ පිංකම් මාලාවක් සඳහා සහභාගී වී තිබේ.
පූජ්‍ය සිරි සමන්තභද්‍ර ස්වාමීන් වහන්සේගේ පනස් වන ජන්ම දිනය නිමිත්තෙන් උමංදාව බෞද්ධ විශ්ව ගම්මානයේ මෙම පිංකම් මාලාවක් සංවිධානය කර තිබූ බව සඳහන් වේ.
මහා සංඝරත්නය වෙනුවෙන් සංඝගත දක්ෂිණාවක් පිරිනැමුණු අතර ද එම අවස්ථාවට තමන්ට සහභාගී වූ බව හිටපු ජනාධිපති මහින්ද රාජපක්ෂ මහතා සිය Facebook ගිණුමේ සටහනක් තබා තිබුණු අතර මහින්ද රාජපක්ෂ එහි වැඩිදුරටත් සඳහන් කර තිබුණේ.
ආසියාවේ විශාලතම උමං විහාරය මත වැඩ සිටින සති කිහිපයකට පෙර අභිනවයෙන් නිරාවරණය කරන ලද අප රටෙහි විශාලතම සැතපෙන බුද්ධ ප්‍රතිමා වහන්සේ මහත් බැති සිතින් වැඳපුදා ගත් බවය.
එමෙන්ම මෙම අවස්ථාවට හිටපු ජනාධිපති රනිල් වික්‍රමසිංහ මහතා ඇතුළු සම්භාවනීය අමුත්තන් පිරිසක් ද දායක කාරකාදීන් ද සහභාගී වී සිටි බව එම Facebook සටහනේ සඳහන් වේ.
