ඔක්තෝම්බර් 30ත් වුණා.. නිල නිවාස අද වෙනකම්ම.. නොදුන් හිටපු අමාත්යවරුන් ගැන ගත් තීරණය මෙන්න..
රාජ්ය පරිපාලන ස්වදේශ කටයුතු පළාත් සභා හා පළාත් පාලන අමාත්යාංශය තීරණයක් ගෙන තිබෙනවා.
ඒ අද (30) වන තෙක් නිල නිවාස භාර නොදුන් හිටපු අමාත්යවරුන්ට එරෙහිව නීතිමය පියවර ගන්නා බවයි.
මේ අතර, හිටපු අමාත්යවරුන් 12 දෙනෙකු තවමත් නිල නිවාස රජයට භාරදී නොමැති බව එම අමාත්යාංශය සඳහන් කර තිබෙනවා.
ඒ අනුව රජයේ නිල නිවාස අත්පත් කර ගැනීමේ රෙගුලාසි මත මෙම පියවර ගැනීමට කටයුතු කෙරෙයි.
ඉකුත් සමයේ රජයේ අමාත්යවරුන්ට නිල නිවාස සංඛ්යාව 28ක් ලබා දී තිබූ බව වාර්තා වේ.
කෙසේ වෙතත්, නිල නිවාස යළි භාරදිමේදී අදාල විදුලි හා ජල බිල්පත් ගෙවා තිබිය යුතු බව නිලධාරීන්ට උපදෙස් ලබා දී ඇත.