සටන් විරාම සාකච්ඡා අඩාල වෙයි - ගාසා තීරයේ තත්ත්වය ගැඹුරු පැත්තකට

ගාසා තීරයේ සටන් විරාමයක් ඇති කර ගැනීමේ අරමුණින් පැවැත්වෙන සාකච්ඡාවල ප්‍රගතිය අඩාල වෙමින් පවතින බව විදෙස් මාධ්‍ය වාර්තා පවසයි.

ෆීල්ඩ් මාර්ෂල් සරත් ෆොන්සේකා ආරක්ෂක ලේකම් තනතුරට? මාලිමා ආණ්ඩුවට හොද කියන සරත් ෆොන්සේකා

එක්සත් ජනපදය විසින් ඉදිරිපත් කරන ලද දින 60ක සටන් විරාම යෝජනාව සම්බන්ධයෙන් ඊයේ (12) දිනයේ වක්‍ර සාකච්ඡා පැවැත්වුණු බවත්, ගාසා තීරයෙන් 40%ක ප්‍රදේශයක් ඊශ්‍රායල පාලනය යටතේ තබා ගැනීමට ඊශ්‍රායලය ඉදිරිපත් කළ යෝජනාව හමාස් සංවිධානය විසින් ප්‍රතික්ෂේප කර ඇති බවත් විදෙස් මාධ්‍ය පවසයි.

මෙම යෝජනාව ප්‍රතික්ෂේප වීම හේතුවෙන්, ඊශ්‍රායල හමුදා ගාසා තීරයේ පලස්තීන ප්‍රදේශවලින් ඉවත් කර ගැනීමේ ප්‍රමාණය සම්බන්ධයෙන් දෙපාර්ශ්වය අතර එකඟතාවකට එළඹීමට නොහැකි වී ඇත.

ශ්‍රී ලාංකිකයින්ට නොමිලේ එක්සත් රාජධානියට යාමට අවස්ථාවක්

ඊශ්‍රායල නිලධාරීන් මෙම තත්ත්වයට හමාස් සංවිධානය වගකිව යුතු බවට චෝදනා එල්ල කර ඇති අතර, හමාස් සංවිධානය ඉතිරි ප්‍රාණ ඇපකරුවන් නිදහස් කිරීමට පෙර යුද්ධය අවසන් කිරීමට ගිවිසුමක් ඉල්ලා සිටී.

එහෙත්, ඊශ්‍රායලය අවධාරණය කර ඇත්තේ, සියලුම ප්‍රාණ ඇපකරුවන් නිදහස් කිරීමෙන් සහ ගාසා තීරයෙන් හමාස් සංවිධානය විසුරුවා හැරීමෙන් පසුව පමණක් යුද්ධය අවසන් කරන බවයි. මේ අතර, ගාසා තීරයේ ආහාර ආධාර ලබා ගැනීමට පැමිණි පුද්ගලයින් 17 දෙනෙකු ඊශ්‍රායල හමුදාවේ වෙඩි තැබීම් හේතුවෙන් මිය ගොස් ඇති බව විදෙස් මාධ්‍ය වාර්තා කරයි.

එක්සත් ජනපදයේ සහය ලත් ආධාර බෙදා හැරීමේ පද්ධතිය තුළ සිදු වූ මෙම නවතම සමූහ වෙඩි තැබීමෙන්, පසුගිය සති හය තුළ පුද්ගලයින් 798 දෙනෙකු මිය ගොස් ඇති බව එක්සත් ජාතීන්ගේ සංවිධානය පවසයි.

අදාළ සටන් විරාම සාකච්ඡා ආරම්භ වී දින හතක් ගත වී ඇතත්, එක්සත් ජනපදයේ සහය ලත් නව සටන් විරාම යෝජනාවක් මත පදනම්ව ඉදිරි ගමනක් ඉක්මනින් බලාපොරොත්තු වන බව එක්සත් ජනපද ජනාධිපති ඩොනල්ඩ් ට්‍රම්ප් ප්‍රකාශ කර තිබේ.

එහෙත්, දෙපාර්ශ්වය අතර ගැටුම්කාරී ඉල්ලීම් හේතුවෙන් මෙම සාකච්ඡාවල ඵලදායි ප්‍රගතියක් තවමත් අත්කර ගැනීමට නොහැකි වී ඇත. මෙම තත්ත්වය ගාසා තීරයේ මානුෂීය තත්ත්වය තවදුරටත් අර්බුදකාරී තත්ත්වයකට තල්ලු කර ඇති අතර, ජාත්‍යන්තර ප්‍රජාවේ අවධානය මෙම ගැටලුව විසඳීම කෙරෙහි යොමු වී තිබේ.

අද ලග්න පලාපල – 2025 ජූලි 13 | අද ඔබේ ලග්නය කියන දිනේ ගැඹුරු රහස්