මේ අයට හෙට ඉන්ධන සහනාධාරයක් ලැබෙයිද? ප්‍රවාහන අමත්‍යංශයට කරන්න යන ඉල්ලීම මෙන්න

අද (2) ලංකා පෞද්ගලික බස්රථ හිමියන්ගේ සංගමයේ සභාපති ගැමුණු විජේරත්න මහතා පැවසුවේ වාර්ෂික බස් ගාස්තු සංශෝධනය ජූලි මස 2 වැනිදා කරන තෙක් මාසයක කාලය සඳහා ඉන්ධන සහනාධාරයක් දෙන ලෙස ආණ්ඩුවෙන් ඉල්ලා සිටින බවත් එම ඉල්ලීම කිරීමට බස් සංගම් ප්‍රවාහන අමත්‍යංශයට හෙට (3) යන බවත්ය.

මෙරට ප්‍රධාන බස් සංගම් සහ පළාත් බස් සංගම් ඇතුළු සියලුම බස් සංගම්වල සහභාගිත්වයෙන් විශේෂ සාකච්ඡාවක් කොළඹදී අද (2) පැවැත්වූ බවත් එහිදී ඒකමතිකව එම තීරණයට එළඹි බවත් විජේරත්න මහතා කීය.

බස් සංගම් සියල්ල රැස්වෙයි - බස් ධාවනය ගැන අවසන් තීරණය අද

ඉන්ධන සහනාධාරයක් නොලැබුණ හොත් බස් ධාවචය කිරීම වඩාත් අපහසු වියහැකි බව කී ගැමුණු විජේරත්න මහතා පැවසුවේ මෙම ගැටලුවට අමාත්‍යංශය පැත්තෙන් සතුටුදායක පිළිතුරක් බලාපොරොත්තු වන බව ද සඳහන් කළේය.

මේ අතර අධිවේගී මාර්ග බස් රථ හිමියන්ගේ සංගමයේ නියෝජිතයන් අද (2) ජාතික ගමනාගමන කොමිෂන් සභාවට පැමිණ බස් ගාස්තු සම්බන්ධයෙන් එහි ප්‍රධානීන් සමඟ සාකච්ඡා කළ බව ද දැනගන්නට තිබේ.

ඔටෝ ඩීසල් ලීටරයක මිල පසුගිය මැයි මස රුපියල් 10 කින් සහ මෙම මස රුපියල් 15 කින් ඉහළ දැමීමත් සමඟ මේ වන විට රුපියල් 25 කින් ඉහළ ගොස් තිබේ.

රටේ තෙල් මිල ඉහළ යෑම ගැන රජයෙන් පැහැදිලි කිරීමක් - ඉස්සරහට රටේ ඉන්ධන මිල වෙනස් වෙයිද?