යල,මහ කන්නවලට පොහොර හිඟයක් නෑ - රජයෙන් සැලසුමක්

වත්මන් යල කන්නය සඳහා ගොවීන්ට අවශ්‍ය පොහොර නිසි පරිදි ලබා දීමේ වත්මන් තත්ත්වය පුළුල් ලෙස සමාලෝචනය කිරීම සහ ඉදිරි ප්‍රධාන මහ කන්නය සඳහා අවශ්‍ය පොහොර කලින්ම ආනයනය කර රට පුරා බෙදා හැරීමේ පූර්ව සූදානම සම්බන්ධයෙන් මෙරට ප්‍රධාන රාජ්‍ය සහ පෞද්ගලික පොහොර සමාගම් සමඟ විශේෂ නිල සාකච්ඡාවක් කොළඹ පිහිටි ජනාධිපති කාර්යාලයේදී ඉතා සාර්ථකව පවත්වා තිබේ.

මෙම විශේෂ සාකච්ඡාව ජනාධිපති ලේකම් ආචාර්ය නන්දික සනත් කුමානායක මහතාගේ සහ කෘෂිකර්ම නියෝජ්‍ය අමාත්‍ය නාමල් කරුණාරත්න මහතාගේ සම ප්‍රධානත්වයෙන් ඊයේ (08) වැනිදා පස්වරුවේ පැවැති බව ජනාධිපති මාධ්‍ය අංශය නිල වශයෙන් පවසයි.

ආයේ ලයිසන් එක අලුත් කරගන්නේ මේ විදිහට වේරහැරට යන්න එපා - මෙඩිකල් එක ගත්ත ගමන් ලයිසන් එක අතට

පොහොර ආනයනය සහ බෙදා හැරීම පිළිබඳව මෙරට ක්‍රියාත්මක විවිධ පොහොර සමාගම් සතු වත්මන් සූදානම සහ ධාරිතාව සම්බන්ධයෙන් මෙහිදී ඉතා සවිස්තරාත්මකව විමසා බැලූ ජනාධිපති ලේකම්වරයා, එම සමස්ත ක්‍රියාවලිය වඩාත් සාර්ථක කර ගැනීම වෙනුවෙන් රජයෙන් අදාළ සමාගම් වෙත ලැබිය යුතු උපරිම සහයෝගය සහ පහසුකම් පිළිබඳව ද කරුණු විමසා සිටියේය.

විශේෂයෙන්ම ඉදිරි මහ කන්නයට කිසිදු හිඟයකින් තොරව සහ නියමිත වේලාවට ගොවි ජනතාව වෙත නිසි පරිදි පොහොර ලබාදීම වෙනුවෙන් සමස්ත පොහොර ආනයනය සහ රට තුළ බෙදා හැරීමේ සමස්ත ක්‍රියාවලිය ඉතා පැහැදිලි කාල සටහනකට අනුව විධිමත්ව සිදු කිරීමේ ඇති ජාතික වැදගත්කම පිළිබඳව ද මෙහිදී දෙපාර්ශවයේම පුළුල් අවධානය යොමු කෙරිණි.

එමෙන්ම එළඹෙන සැප්තැම්බර් මස මුලදී මෙරට ප්‍රධාන මහ කන්නයේ වගා කටයුතු නිල වශයෙන් ආරම්භ වන විටම දිවයින පුරා සිටින ගොවීන් වෙත කිසිදු ප්‍රමාදයකින් තොරව නිසි පරිදි පොහොර බෙදා හැර අවසන් කිරීමේ අවශ්‍යතාවය මෙහිදී අවධාරණය කෙරුණු අතර, පොහොර ආනයනයේදී ලෝක වෙළෙඳපොළහි පවතින පොහොර මිල නිරන්තරයෙන් උච්චාවචනය වීමේ ගෝලීය ප්‍රවණතා සම්බන්ධයෙන් කල්තියා දැඩි අවධානය යොමු කිරීමේ වැදගත්කම ද මෙහිදී දීර්ඝ වශයෙන් සාකච්ඡාවට ලක් විය.

මෙම සියලු කරුණු මැනවින් සැලකිල්ලට ගනිමින් ඉදිරි මහ කන්නය ඉලක්ක කරගත් ක්‍රමවත් පොහොර ආනයනය කිරීමේ ඒකාබද්ධ සැලැස්මක් වහාම සකස් කිරිමටත්, ඉදිරි ජුලි මස මුල් භාගයේදි නැවත රැස්වී එහි මූලික ප්‍රගතිය විමසා බැලීමටත් සාකච්ඡාවට එක්වූ සියලුම පාර්ශ්වයන් සිය නිල එකඟතාව පළ කළහ.

මෙම අවස්ථාවට ජනාධිපති ජ්‍යෙෂ්ඨ අතිරේක ලේකම් කපිල ජනක බණ්ඩාර මහතා, කෘෂිකර්ම, පශු සම්පත්, ඉඩම් සහ වාරිමාර්ග අමාත්‍යාංශයේ අතිරේක ලේකම් ජානකී අමරතුංග මහත්මිය ඇතුළු අමාත්‍යාංශයේ ජ්‍යෙෂ්ඨ රාජ්‍ය නිලධාරීන් පිරිසක් ද එක්ව සිටියහ.

මේ රාජ්‍ය සේවකයන්ට නව වැටුප් සංශෝධනයක් සමඟින් උසස් වීම් සුදුසුකම් සපුරා ගැනීමට විශේෂ සහන කාලයක්

මීට අමතරව රාජ්‍ය පොහොර සමාගමේ සභාපති බී සී ඩබ් සේතුගේ මහතා, සී අයි සී කෘෂි නිෂ්පාදන පුද්ගලික සමාගමේ අධ්‍යක්ෂ සුජීව විජයවීර, නිව් ලංකා කොමර්ෂල් පොහොර සමාගමේ අධ්‍යක්ෂ ඊ කේ සිසිර කුමාර, හේලීස් පොහොර සමාගමේ ප්‍රධාන විධායක නිලධාරී සමුද්‍ර රාජපක්ෂ, ඇලයිඩ් පොහොර සමාගමේ ප්‍රධාන විධායක නිලධාරී රංජිත් අබේසිංහ යන මහත්වරුන් ඇතුළු මෙරට ප්‍රමුඛ පෙළේ පෞද්ගලික ආයතන ප්‍රධානීන් සහ ව්‍යාපාරිකයින් පිරිසක් ද මෙම විශේෂ සාකච්ඡාවට සෘජුවම එක්ව සිටියහ.