ජනපතිගේ වියට්නාම සංචාරය - ගිවිසුම් කිහිපයක් සූදානම්
Shehan
ජනාධිපති අනුර කුමාර දිසානායක මැයි 04 සිට 06 දක්වා වියට්නාමයේ රාජ්‍ය සංචාරයකට එක්වන බව විදේශ කටයුතු, විදේශ රැකියා සහ සංචාරක අමාත්‍යංශය නිවේදනය කරයි.
මෙම සංචාරයේදී ජනාධිපතිවරයා වියට්නාම් ජනාධිපති, අගමැති සහ කොමියුනිස්ට් පක්ෂයේ මහලේකම් ඇතුළු ජ්‍යෙෂ්ඨ නියෝජිතයින් හමුවීමට නියමිතය.
ජනාධිපතිවරයා හෝ චි මිං නගරයේ එක්සත් ජාතීන්ගේ වෙසක් උත්සවයේ ප්‍රධාන ආරාධිතයා ලෙස සහභාගී වන අතර, එහිදී ප්‍රධාන දේශනයක් පවත්වයි.
දෙරට අතර අවබෝධතා ගිවිසුම් කිහිපයකට අත්සන් තැබීමටත්, ව්‍යාපාරික ප්‍රජාව සමඟ එක්වීමටත් ජනාධිපතිවරයා අපේක්ෂා කරයි.
දෙරට අතර රාජ්‍ය තාන්ත්‍රික සබඳතාවලට වසර 55ක් සපිරෙන මෙම වසරේ, මෙම සංචාරය ශක්තිමත් සබඳතා තවදුරටත් තහවුරු කරනු ඇතැයි අපේක්ෂා කෙරේ.
ජනාධිපතිවරයා සමඟ විදේශ කටයුතු, විදේශ රැකියා සහ සංචාරක අමාත්‍ය විජිත හේරත් ඇතුළු ජ්‍යෙෂ්ඨ රජයේ නිලධාරීන් පිරිසක් ද මෙම සංචාරයට එක්වන බව අමාත්‍යංශය සඳහන් කරයි.
![ජාත්‍යන්තර කම්කරු දිනය අදයි[VIDEO]](https://cdn.ibcstack.com/article/643851d1-01af-4bfe-abfe-597fa15f06c8/25-6812d9fa6cfdb-sm.webp)
