තැපැලේ වර්ජනයෙන් රටට මිලියන 100කට වැඩි පාඩුවක්

මධ්‍යම තැපැල් හුවමාරුවේ එකතු වූ තැපැල් භාණ්ඩ හමුදා බස් රථ භාවිතයෙන් විවිධ ප්‍රදේශවලට ප්‍රවාහනය කර ඇති බව තැපැල්පති ජනරාල් රුවන් සත්කුමාර මහතා ප්‍රකාශ කළේය.

මෙම ලිපි සහ පාර්සල් වෙනත් තැපැල් පර්යන්තවලට හරවා යැවූ බව ඔහු වැඩිදුරටත් පැවසීය.

අතිකාල දීමනා සහ පැමිණීම සටහන් කිරීම සඳහා ඇඟිලි සලකුණු යන්ත්‍ර භාවිතය ගැටලු ඇතුළු ඉල්ලීම් 19ක් මුල්කරගෙන මෙම අඛණ්ඩ වැඩ වර්ජනය පසුගිය සඳුදා  ආරම්භ වූ අතර, එයට එක්සත් තැපැල් සේවක සංගමය, ශ්‍රී ලංකා නිදහස් තැපැල් සහ විදුලි සංදේශ සේවක සංගමය, එක්සත් තැපැල් සහ විදුලි සංදේශ සේවා සංගමය, ශ්‍රී ලංකා නිදහස් තැපැල් සේවා සංගමය සහ ශ්‍රී ලංකා තැපැල් සේවක පෙරමුණ ආදී වෘත්තීය සමිති කිහිපයක් සහාය දක්වා ඇත.

නීතියට පිටින් - EPF නොගෙවන ආයතන 23,000ක් ගැන හෙලිදරව්වක්

කොළඹ මධ්‍යම තැපැල් හුවමාරුව ඉදිරිපිට ඊයේ (23) අඛණ්ඩ සත්‍යග්‍රහයක්ද ආරම්භ වූ අතර, රට පුරා තැපැල් කාර්යාල 653න් ඊයේ විවෘතව පැවති ඒවා 169ක් පමණි.

කෙසේ වෙතත්, උප තැපැල් කාර්යාල 3,211ක් විවෘතව පැවති බව වාර්තා වේ.

වර්ජනයේ නිරත තැපැල් සේවකයින්ට අගෝස්තු වැටුප නෑ - රජය තීරණය ගනී

මේ අතර, සෞඛ්‍ය හා ජනමාධ්‍ය නියෝජ්‍ය අමාත්‍ය වෛද්‍ය හංසක විජේමුණි මහත්මිය පැවසුවේ, තැපැල් සේවකයන්ගේ ඉල්ලීම් දෙකක් හැර ඉතිරි සියලුම ඉල්ලීම් සාකච්ඡා මාර්ගයෙන් විසඳාගත හැකි බවයි.

තැපැල් වෘත්තීය සමිති කිහිපයක් විසින් දියත් කළ මෙම වැඩ වර්ජනය හේතුවෙන් මේ වන විට රුපියල් මිලියන 100 සිට 120 දක්වා මූල්‍යමය පාඩුවක් සිදුව ඇති බව තැපැල් දෙපාර්තමේන්තුව වාර්තා කර ඇත. 

අද අතමිට සරුවෙන,කීර්තිය බැබළෙන ලග්න රැසකට සුභ දවසක්

සඳුදා මධ්‍යම රාත්‍රියේ සිට ඒකාබද්ධ බස් කාලසටහන්