ජනප්‍රිය දෙමළ නළු මධන් බොබ් ජීවිතක්ෂයට

තම ආවේණික සිනහව සහ හාස්‍යජනක ප්‍රකාශන තුළින් ප්‍රේක්ෂකයින්ගේ හදවත් සතුටින් පුරවූ ජනප්‍රිය දෙමළ චිත්‍රපට නළු මධන් බොබ් ජීවිතක්ෂයට පත්ව ඇත.

පිළිකා රෝගයකින් පෙළුණු ඔහු ඊයේ (02) පස්වරුවේ චෙන්නායි හිදී ඔහුගේ නිවසේදී මියගොස් ඇති බව ඉන්දීය මාධ්‍ය වාර්තා කරයි. ජීවිතක්ෂයට පත්වන විට මධන් බොබ් 71 හැවිරිදි වියේ පසුවිය.

හිටපු අගමැතිගේ මුණුපුරාට ජීවිතාන්තය දක්වා සිර දඬුවම්

1953 වසරේ චෙන්නායි හි උපත ලද එස්. ක්‍රිෂ්ණමූර්ති, මධන් බොබ් යන වෘත්තීය නාමයෙන් ප්‍රකට වූ අතර, ඔහු තම පවුලේ අටවන දරුවා ලෙස උපත ලබා තිබේ.

කමල් හසන්, රජිනිකාන්ත්, අජිත්, සූර්යා, සහ විජේ වැනි ප්‍රමුඛ දෙමළ නළුවන් සමඟ එක්වෙමින් ඔහු දමිළ සිනමාවේ විශිෂ්ට ගමනකට දායක වූවෙකි. මධන් බොබ්ගේ හාස්‍යජනක රංගනය සහ ඔහුගේ අද්විතීය රංගන ශෛලිය දමිළ සිනමාවේ ප්‍රේක්ෂකයින් අතර ඉමහත් ජනප්‍රියත්වයක් උසුලන ලදී.

ඔහුගේ අභාවය දමිළ සිනමාවට මෙන්ම ඔහුගේ රසික රසිකාවියන්ටද මහත් ශෝකයක් ගෙන එනු ඇත.

වරප්‍රසාද අහෝසි කිරීමේ කුණාටුවක්? - රනිල් සහ මෛත්‍රී හදිසි සාකච්ඡාවක

රාජ්‍ය සේවකයින් පිරිසකට වැටුප් ගෙවීමේ බරපතල අර්බුදයක්