මහා ශිව රාත්‍රි දිනය වෙනුවෙන් අගමැතිනියගෙන් පණිවුඩයක්

අග්‍රාමාත්‍ය ආචාර්ය හරිනි අමරසූරිය මෙනෙවිය අවිද්‍යාව පරදා ප්‍රඥාවත්, අන්ධකාරය පරදා ආලෝකයත් ජයග්‍රහණය කිරීම සංකේතවත් කරන මහා ශිවරාත්‍රිය, ආධ්‍යාත්මික විනය සහ අභ්‍යන්තර සාමය උදාකර දෙන උතුම් දිනයක් බව පවසයි.

ශ්‍රිව රාත්‍රී දිනය වෙනුවෙන් සුබ පැතුම් පණිවිඩයක් නිකුත් කරමින් මේ බව පෙන්වා දෙන අග්‍රාමාත්‍යවරිය බහුවිධ සංස්කෘතීන්ගෙන් පෝෂණය වූ අපේ සමාජය තුළ, පරාර්ථකාමිත්වය, කරුණාව සහ එකමුතුකම තුළින් ඕනෑම අභියෝගයක් ජයගත හැකි බව මෙම උත්සවය අපට සිහිපත් කර දෙන බව සඳහන් කරයි.

අකුරේගොඩ ද්විත්ව ඝාතනයට වෙඩික්කරුවන් ආ මෝටර් රථය ගිනි ගනිමින් තිබියදී සොයා ගැනේ

බැතිමතුන් යාඥාවෙන් සහ භාවනාවෙන් ගත කරන මෙම ශිව රාත්‍රී දිනයේදී වඩා සාමකාමී සහ සමෘද්ධිමත් දේශයක් ගොඩනැගීමට අදිටන් කරගත යුතු බව ද අග්‍රාමාත්‍ය ආචාර්ය හරිනි අමරසූරිය මෙනෙවිය සිය පණිවිඩය හරහා වැඩිදුරටත් සඳහන් කර ඇත.

ඇගේ සම්පූර්ණ නිවේදනය පහතින් උපුටා දක්වා ඇත.

ලොව පුරා හින්දු බැතිමතුන් ඉමහත් භක්තියෙන් ආදරයෙන් සමරන මහා ශිව රාත්‍රිය අදයි

මහා ශිවරාත්‍රී දින පණිවුඩය

​මහා ශිවරාත්‍රී දිනය සමරනු ලබන ශ්‍රී ලංකාවාසී මෙන් ම ලොව පුරා වෙසෙන සමස්ත හින්දු බැතිමතුන් වෙත මගේ හෘදයාංගම සුභාශිංසන පිරිනමමි. ​අවිද්‍යාව පරදා ප්‍රඥාවත්, අන්ධකාරය පරදා ආලෝකයත් ජයග්‍රහණය කිරීම සංකේතවත් කරන මහා ශිවරාත්‍රිය, ආධ්‍යාත්මික විනය සහ අභ්‍යන්තර සාමය උදාකර දෙන උතුම් දිනයකි. බහුවිධ සංස්කෘතීන්ගෙන් පෝෂණය වූ අපේ සමාජය තුළ, පරාර්ථකාමිත්වය, කරුණාව සහ එකමුතුකම තුළින් ඕනෑම අභියෝගයක් ජයගත හැකි බව මෙම උත්සවය අපට සිහිපත් කර දෙයි. ​බැතිමතුන් යාඥාවෙන් සහ භාවනාවෙන් ගත කරන මෙම ශිව රාත්‍රී දිනයේදී, වඩා සාමකාමී සහ සමෘද්ධිමත් දේශයක් ගොඩනැගීමට අදිටන් කරගත යුතු බව මගේ හැඟීමයි. ​ශිව දෙවියන්ගේ ආශිර්වාදයෙන් ඔබ සැමට සෞභාග්‍යය සහ සාමය උදා වේවා!

ආචාර්ය හරිනි අමරසූරිය අග්‍රාමාත්‍ය ශ්‍රී ලංකා ප්‍රජාතාන්ත්‍රික සමාජවාදී ජනරජය