සම්මාන පිට සම්මාන ලැබූ ප්‍රවීන ගායකයෙක් ජීවිතක්ෂයට

ඩිස්නි සිනමාපටයන්හි සර්වකාලීන ජනප්‍රිය ගීත යුගලක් වන "බියුටි ඇන්ඩ් ද බීස්ට්" සහ "අ හෝල් නිව් වර්ල්ඩ්" සඳහා කළ අද්විතීය නිර්මාණාත්මක දායකත්වය වෙනුවෙන් දෙවරක් ග්‍රැමී සම්මානයෙන් පිදුම් ලැබූ සුප්‍රකට ආර් ඇන්ඩ් බී  සහ සෝල් කලාකරුවෙකු වන පීබෝ බ්‍රයිසන් 2026 ජුනි 2 වන අඟහරුවාදා දින අභාවප්‍රාප්ත විය.

මියයන විට ඔහු 75 වන වියේ පසුවූ අතර, අමෙරිකාවේ ජෝර්ජියා ප්‍රාන්තයේ මැරියෙටා හි පිහිටි ඔහුගේ නිවසේදී මෙලෙස ජීවිතක්ෂයට පත්ව තිබේ.

අද දවසේ ග්‍රහ මාරුවෙන් ලග්න කිහිපයකට බලාපොරොත්තු නොවූ අනතුරු ඇඟවීම්

ඔහුට හදිසි ආඝාත  රෝගී තත්ත්වයක් වැළඳී ඇති බව ඔහුගේ නියෝජිතයා විසින් නිල වශයෙන් නිවේදනය කර දින තුනකට පසුව මෙම අවාසනාවන්ත මරණය සිදුව ඇති අතර, මීට පෙර 2019 වසරේදී ද ඔහු දරුණු හෘදයාබාධයකට ලක්ව සිටියේය.

අඟහරුවාදා සවස 5:00 ට  ඔහුගේ පවුලේ සාමාජිකයන් සහ සමීපතමයන්ගේ ආදරය මැද ඔහු ඉතා සාමකාමීව මෙලොවින් සමුගත් බව ඔහුගේ නියෝජිතයා තහවුරු කළේය.

පීබෝ බ්‍රයිසන්ගේ අභාවය වෙනුවෙන් නිල නිවේදනයක් නිකුත් කරමින් ඔහුගේ පවුලේ සාමාජිකයන් සඳහන් කර සිටියේ, මෙම ශෝකී අවස්ථාවේදී ලොව පුරා සිටින රසිකයින්, මිතුරන් සහ ක්ෂේත්‍රයේ සගයන්ගෙන් ලැබෙන අසීමිත ආදරය, යාඥා සහ සහයෝගය පිළිබඳව තමන් අතිශයින්ම කෘතඥ වන බවයි.

අප්‍රේල් මාසේ මගේ ජීවිතය සම්පූර්ණයෙන් වෙනස් වුණා - කවුරුත් ආදරය කරන අභිෂේකා කලාවෙන් තාවකාලිකව සමුගනී හේතුව මෙන්න

තම හදවත් බිඳී ගියත්, පීබෝ වෙත රසිකයන් දැක්වූ ආදරය සහ ඔහුගේ අනුපමේය කටහඬ මෙන්ම මානුෂීය ගුණය හරහා ලොව පුරා ජීවිත කොතරම් ප්‍රමාණයක් ස්පර්ශ කළේද යන්න දැනගැනීම තමන්ට විශාල සැනසීමක් බවත්, ඔහුගේ සංගීත උරුමය ඉදිරි පරම්පරාවන් ගණනාවක් පුරා සදාතනිකව පවතිනු ඇති බවත් පවුලේ සාමාජිකයෝ වැඩිදුරටත් ප්‍රකාශ කර සිටිති