පාර්ලිමේන්තු ජන්දේ දී පාට කරන ඇඟිල්ල මාරු වෙයි. - සුලගිල්ල වෙනුවට එන ඇඟිල්ල මෙන්න.
Wayomi
නිල ඡන්ද දැන්වීම් පත්‍රිකාව නොමැතිව වුවද ඡන්දය ප්‍රකාශ කිරීමට හැකි බව මැතිවරණ කොමිෂන් සභාවේ සභාපති ආර්.එම්.ඒ.එල්.රත්නායක පවසනවා.
කෙසේ වෙතත් මේ වන විට නිල ඡන්ද දැන්වීම් පත්‍රිකා නිවෙස් වෙත බෙදා හැරීම අවසන් කර තිබෙනවා.
මෙතෙක් නිල ඡන්ද දැන්වීම් පත්‍රිකාව නොලැබුනේණම් ලිපි බෙදනු ලබන තැපැල් කාර්යාලය වෙතගොස් අනන්‍යතාව තහවුරු කර නිල ඡන්ද දැන්වීම් පත්‍රිකාව ලබාගත හැකිය.
නිල ඡන්ද දැන්වීම් පත්‍රිකාව නොමැති වුවද 2024 ඡන්දහිමි නාම ලේඛනයේ නම සඳහන් වේ නම් ඡන්දය ප්‍රකාශ කිරීමට හැකි බව සභාපතිවරයා සඳහන් කළා.
එමෙන්ම ඡන්දය ප්‍රකාශ කිරීම සඳහා වලංගු හැඳුනුම්පත ඉදිරිපත් කළ යුතුයි.
ඒ අනුව පුද්ගලයන් ලියාපදිංචි කිරීමේ දෙපාර්තමේන්තුව නිකුත් කරන ලද ජාතික හැඳුනුම්පත ,වලංගු විදේශ ගමන් බලපත්‍රය,වලංගු රියදුරු බලපත්‍රය ,රාජ්‍ය සේවා විශ්‍රාමික හැඳුනුම්පත ,වැඩිහිටි හැඳුනුම්පත ,පුද්ගලයන් ලියාපදිංචි කිරීමේ දෙපාර්තමේන්තුව නිකුත් කර ඇති පූජ්‍ය හා පූජක හැඳුනුම්පත ,කාඩ් පත් නොමැති වීම හේතුවෙන් පුද්ගලයන් ලියාපදිංචි කිරීමේ දෙපාර්තමේන්තුව නිකුත් කර ඇති ඡායාරූපය සහිත ලිපිය ,ආබාධිත තැනැත්තන් සඳහා මැතිවරණ කොමිෂන් සභාව නිකුත් කර ඇති හැඳුනුම්පත ඡන්දය ප්‍රකාශ කිරීම සඳහා පිළිගත් හැඳුනුම්පත් ලෙස භාවිතා කිරීමට හැකියාව පවතිනවා.
කෙසේ වෙතත් එම හැඳුනුම්පත් කිසිවක් නොමැති පුද්ගලයන්ට මැතිවරණ කාර්යාලයෙන් තාවකාලික හැඳුනුම්පතක් ලබා ගැනීමට හැකි අතර මෙවර ඡන්දය ප්‍රකාශ කිරීමට පැමිණෙන ඡන්ද දායකයින්ගෙ වම් අතෙහි දබර ඇගිල්ල සලකුණු කරන බව සභාපතිවරයා සඳහන් කරනවා.
සුලගිල්ල සහ මහපට ඇගිල්ල ජනාධිපතිවරණයේදී සහ ඇල්පිටිය ප්‍රාදේශීය සභා මැතිවරණයේදී සලකුණු කිරීම ඊට හේතුව බව වැඩිදුරටත් ඔහු පෙන්වා දෙන්නේ.
