පඩික්කල්ගේ මංගල ටෙස්ට් ශතකයෙන් ඉන්දියාව පළමු දිනයේ වාසිය ගනී

ශ්‍රී  ලංකාව සහ ඉන්දියාව අතර ගාල්ල ජාත්‍යන්තර ක්‍රීඩාංගණයේ පැවැත්වෙන පළමු ටෙස්ට් තරගයේ පළමු දිනයේ අවසන් සැසියේදී ඉන්දියාව ප්‍රබල තත්ත්වයක පසුවෙයි. කාසියේ වාසිය දිනා පළමුව පන්දුවට පහරදීමට තීරණය කළ ඉන්දියාව වෙනුවෙන් දෙව්දත් පඩික්කල් සිය මංගල ටෙස්ට් ශතකය වාර්තා කරමින් විශිෂ්ට ඉනිමක් ක්‍රීඩා කළේය.

ඉන්දියාවේ පළමු කඩුල්ල ලෙස යශස්වි ජයිස්වාල් ලකුණු 32කට දුවද්දී දැවී ගිය අතර, ඉන් අනතුරුව පඩික්කල් සහ කේ. එල්. රාහුල් එක්ව දෙවැනි කඩුල්ල වෙනුවෙන් ලකුණු 150ක දැවැන්ත සබඳතාවක් ගොඩනැගූහ.

කෙසේ වෙතත්, රාහුල් ලකුණු 77ක් ලබා සිටියදී ආබාධයකට ලක්ව පිටියෙන් ඉවත් වීමට සිදුවිය. ඔහුට අතේ සහ ශරීරයේ දැඩි කැක්කුම් ඇතිවීමෙන් අනතුරුව retired hurt ලෙස පිටියෙන් ඉවත්ව ඇති අතර, ඔහු වෙනුවට ඉන්දීය නායක ශුබ්මන් ගිල් පිටියට පැමිණියේය.

රාහුල් පිටියෙන් ඉවත්වන විට පඩික්කල් ලකුණු 84ක් ලබා සිටි අතර, ඔහුගේ විශිෂ්ට ඉනිම ඉන්දියාවට පළමු දිනයේදී දැඩි වාසියක් ලබා දීමට සමත්විය. 

ශ්‍රී ලංකා - ඉන්දියා තරගයත් සමඟ ගාල්ල ක්‍රිකට් පිටිය හෙට ඓතිහාසික 50 වැනි ජාත්‍යන්තර කඩඉම පසුකරයි

ඉන්දියාවේ ආධිපත්‍යයට ශ්‍රී ලංකාව දුන් අභියෝගය - ශ්‍රී ලංකා–ඉන්දියා ටෙස්ට් සටනේ සම්පූර්ණ ඉතිහාසය මෙන්න