පවතින තත්ත්වය හමුවේ ජල පරිභෝජනය පිළිබඳව දැනුම්දීමක්

පවතින දැඩි වියළි කාලගුණික තත්ත්වය හමුවේ දිවයිනේ බොහෝ ප්‍රදේශවල ජල මූලාශ්‍ර සීඝ්‍රයෙන් සිඳී යමින් පවතින බැවින්, පානීය ජලය අපතේ නොයවා අරපිරිමැස්මෙන් පරිහරණය කරන ලෙස ජාතික ජල සම්පාදන හා ජලප්‍රවාහන මණ්ඩලය මහජනතාවගෙන් විශේෂ ඉල්ලීමක් කරයි.

විශේෂයෙන්ම ජනතාව අනවශ්‍ය ලෙස ජලය පරිභෝජනය කිරීම නිසා උස් බිම්වල සහ නළ මාර්ගයේ අන්තයේ සිටින පාරිභෝගිකයින්ට අඩු පීඩනයක් යටතේ ජලය ලැබීමේ හෝ ජල සැපයුම ඇණහිටීමේ අවදානමක් පවතියි.

මේ පාසල් සිසුන්ට සුබම සුබ අරංචියක් - රජයෙන් නොමිලේ විශේෂ පරිත්‍යාගයක්

මේ හේතුවෙන් ගෙවතු වගාවන් සඳහා ජලය දැමීම, වාහන සේදීම සහ පදික වේදිකා පිරිසිදු කිරීම වැනි අත්‍යවශ්‍ය නොවන කටයුතු සඳහා නළ ජලය භාවිත කිරීමෙන් හැකිතාක් වැළකී සිටින ලෙස නිලධාරීන් උපදෙස් දෙයි.

තවද, පවතින අධික උෂ්ණත්වය හමුවේ දෛනික ජල ඉල්ලුම සාමාන්‍ය මට්ටමට වඩා ඉහළ ගොස් ඇති බැවින්, ජල සැපයුම අඛණ්ඩව පවත්වාගෙන යාමට නම් මහජනතාවගේ සහයෝගය අත්‍යවශ්‍ය වේ.

උතුරු කොරියාව න්‍යෂ්ටික ආයුද ගැන කට අරී - දැන් ආයේ හරවන්න බෑ - කිම් ජෝන් උන් කියයි

යම් හෙයකින් ජල නළවල පිපිරීම් හෝ කාන්දුවීම් දක්නට ලැබෙන්නේ නම්, වහාම '1939' ක්ෂණික ඇමතුම් අංකය හරහා දැනුම් දෙන ලෙසත්, අරපිරිමැස්මෙන් තොරව ජලය භාවිත කරන පිරිස් සම්බන්ධයෙන් ඉදිරියේදී නීතිමය පියවර ගැනීමට පවා සිදුවිය හැකි බවත් ජල සම්පාදන මණ්ඩලය වැඩිදුරටත් අවධාරණය කරයි.