පොලිස් නිලධාරීන් දහසකට සේවය හැර යන්න නියෝග

විවිධ විෂමාචාර සහ නීතිවිරෝධී ක්‍රියාවලට සම්බන්ධ වූ බවට චෝදනා එල්ල වූ පොලිස් නිලධාරීන් දහසකට ආසන්න සංඛ්‍යාවක් මෑතකදී සේවයෙන් පහ කිරීමට පියවර ගෙන ඇති බව මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල මහතා ජාතික පුවත්පතක් සමඟ සම්මුඛ සාකච්ඡාවකට එක්වෙමින් අනාවරණය කර තිබේ.

රැකියාවෙන් නෙරපා හරින ලද මෙම පිරිස අතර සංවිධානාත්මක අපරාධ කල්ලි සාමාජිකයන්, මත්ද්‍රව්‍ය ජාවාරම්කරුවන් මෙන්ම ජාවාරම්කාර හොරබඩු ජාවාරම්කරුවන් සමඟ ඉතා සමීප සබඳතා පවත්වමින් ඔවුන්ට සහාය දැක්වූ දූෂිත නිලධාරීන් රැසක් සිටින බව අමාත්‍යවරයා එහිදී පෙන්වා දී ඇත.

මාළු මිල ඉහළට - නව මිල මෙන්න

මේ අතර, පාතාල සාමාජිකයන් සහ මත්ද්‍රව්‍ය ජාලයන් සමඟ සෘජු සබඳතා පැවැත්වූ බවට දැනටමත් මූලික සාක්ෂි මඟින් තහවුරු වී ඇති පොලිස් නිලධාරීන් හය දෙනෙකු (06) සම්බන්ධයෙන් මේ වන විටත් ඉතා දැඩි මට්ටමේ වැඩිදුර විමර්ශන කටයුතු ක්‍රියාත්මක වෙමින් පවතින බව ද අමාත්‍යවරයා සඳහන් කළේය.

තවද, පොලිස් දෙපාර්තමේන්තුවේ ගෞරවය කෙළෙසමින් පාතාලය සහ විවිධ ජාවාරම්කරුවන් ආරක්ෂා කරන මෙවැනි දූෂිත නිලධාරීන් හඳුනාගෙන නීතිය හමුවට පැමිණවීම සඳහා රහසිගත බුද්ධි අංශ ජාලයන් ද අනුයුක්ත කර ඇති බව ඔහු එහිදී වැඩිදුරටත් කියා සිටියේය.

හෙට සිට ජූලි 10 මුළු රටම ආවරණය වන පරිදි විශේෂ වැඩසටහනක් - රටේ ජනතාව දැනුවත් වෙන්න

. එලෙස බුද්ධි අංශ මඟින් ලබා දුන් රහසිගත වාර්තා සහ තොරතුරු සැලකිල්ලට ගනිමින්, කල්පිටිය ඇතුළු දිවයිනේ පොලිස් ස්ථාන කිහිපයක සේවය කළ ඇතැම් සැකකටයුතු නිලධාරීන්ට වහාම ක්‍රියාත්මක වන පරිදි ස්ථාන මාරුවීම් ලබා දීමට ද පියවර ගෙන ඇති බව මහජන ආරක්ෂක අමාත්‍යවරයා අවධාරණය කර තිබේ.