තරුණ තරුණියන්ට සුබ ආරංචියක් - රජයෙන් රජයෙන් ඔවුන් වෙනුවෙන් විශේෂ වැඩක්

ශ්‍රී ලාංකීය තරුණ ප්‍රජාවගේ නිර්මාණශීලී හැකියාව, උසස් කලා රසවින්දන හැකියාව සහ සාමාජීය අවබෝධය තවදුරටත් වර්ධනය කිරීමේ උදාර අරමුණින් ජාතික තරුණ සේවා සභාව විසින් අලුතින්ම ආරම්භ කරන ලද මාසික සිනමා රසවින්දන වැඩසටහන් මාලාවේ ප්‍රථම වැඩසටහන පසුගියදා මහරගම තරුණ මධ්‍යස්ථාන පරිශ්‍රයේදී ඉතාමත් සාර්ථක ලෙස පැවැත්වුණා.

ජාතික තරුණ සේවා සභාවේ වත්මන් සභාපති හා අධ්‍යක්ෂ ජනරාල් නීතිඥ සුපුන් විජේරත්න මහතාගේ සුවිශේෂී සංකල්පයක් අනුව ක්‍රියාත්මක වන මෙම දීපව්‍යාප්ත වැඩසටහන තුළින් සමස්ත ලෝක සිනමාවේ අතිඋසස් කලාත්මක නිර්මාණ දේශීය තරුණ ප්‍රජාව වෙත සමීපව හඳුන්වා දීම ප්‍රධාන වශයෙන්ම අරමුණු කර තිබේ.

සිනමා රසවින්දන වැඩසටහන නිල වශයෙන් ආරම්භ කිරීමේ මෙම සුවිශේෂී අවස්ථාවට තරුණ කටයුතු හා ක්‍රීඩා අමාත්‍ය සුනිල් කුමාර ගමගේ මහතා, ජාතික තරුණ සේවා සභාවේ සභාපති හා අධ්‍යක්ෂ ජනරාල් නීතිඥ සුපුන් විජේරත්න මහතා, අධ්‍යක්ෂ පාලන මනුල චමල් පෙරේරා මහතා සහ සිනමා කලාව හැදෑරීමට ලැදි තරුණ සිසු පිරිසක් ඉතාමත් උනන්දුවෙන් සහභාගි වූහ.

මෙහිදී පළමු වැඩසටහන යටතේ ප්‍රදර්ශනය කරන ලද්දේ ප්‍රසිද්ධ ජාත්‍යන්තර චිත්‍රපට අධ්‍යක්ෂ ටෙරන්ස් මලික් විසින් අධ්‍යක්ෂණය කරන ලද ද ට්‍රී ඔෆ් ලයිෆ් නැමැති ලෝක පූජිත සිනමා නිර්මාණයයි.

ලංකාවේ මහජනතාවට අනතරු ඇඟවීමක් - මහජන සෞඛ්‍ය පරීක්ෂකවරු වගේ ඩෙංගු බලන්න ඇවිත් මුදල් කඩාගන්න අලුත් අපරාධයක්

මිනිස් ජීවිතයේ සැබෑ අරුත, පවුල් සබඳතා මෙන්ම මානව සංවේදීත්වය පිළිබඳව ඉතාමත් ගැඹුරු අදහස් රැගත් මෙම සුවිශේෂී සිනමා නිර්මාණය එහි පැමිණි සමස්ත තරුණ ප්‍රජාවගේ විශේෂ අවධානයට සහ ඇගයීමට ලක්විය.

සාර්ථක චිත්‍රපට ප්‍රදර්ශනයෙන් අනතුරුව එම ස්ථානයේම පැවති විශේෂ විද්වත් කතිකාවතේදී අදහස් දැක්වූ ප්‍රගීත් අලුත්වත්ත මහතා පෙන්වා දුන්නේ සිනමාව යනු හුදෙක් බාහිර විනෝදාස්වාදය සපයන මාධ්‍යයක් පමණක්ම නොවන බවයි.

දරුණු අනතුරක් ට්‍රැක්ටරයක් වියානා ඇලට පෙරළෙයි - රියදුරුත් අතුරුදහන්

එය මිනිස් ජීවිතය සහ සමස්ත සමාජය වඩාත් නිවැරදිව තේරුම් ගැනීමට මහෝපකාරී වන ලොව පවතින ප්‍රබලතම දෘශ්‍ය කලා මාධ්‍යයක් බව ද ඔහු එහිදී විශේෂයෙන්ම අවධාරණය කළේය.