හෙට සිට සතියක් දක්වා වෙන්න යනදේ මෙන්න - රාජ්‍ය ආයතන හා පාසල් තුල ක්‍රියාත්මකයි

“රටම එකට ජාතික මෙහෙයුම” වැඩසටහනට සමගාමීව ක්‍රියාත්මක වන ” විෂ මත්ද්‍රව්‍ය නිවාරණ සතිය ” හෙට (01) සිට ආරම්භ වීමට නියමිතව ඇත. හෙට ( 01) දිනෙන් ඇරඹෙන සතිය “විෂ මත්ද්‍රව්‍ය නිවාරණ සතිය ” ලෙස ප්‍රකාශයට පත්කිරීමට විෂ මත්ද්‍රව්‍ය ව්‍යසනය පිටු දැකීම සඳහා වන ” රටම එකට ” ජාතික මෙහෙයුම් සභාව තීරණය කර ඇත.

මීට අදාළ අංක 07 / 2026 දරණ රාජ්‍ය පරිපාලන චක්‍රලේඛය රාජ්‍ය පරිපාලන, පළාත් සභා සහ පළාත් පාලන අමාත්‍යාංශය විසින් මේ වන විට නිකුත් කර ඇත.

රජයේ සේවකයින්ට සුභ ආරංචියක් - ලක්ෂ 30 දක්වා ණය ලබාදීමේ සූදානමක්

මෙහිදී, විෂ මත්ද්‍රව්‍ය අලෙවිය පාලනය කර මර්දනය කිරීමත් විෂ මත්ද්‍රව්‍ය භාවිතයට ඇබ්බැහි වුවන් ඉන් මුදා ගෙන පුනරුත්ථාපනයට යොමු කිරීමත් යන මූලික අරමුණු දෙක ඉටු කර ගැනීම වෙනුවෙන් අවශ්‍ය ජනතා දැනුවත් භාවය හා දියුණු සමාජ කතිකාවතක් ඇති කිරීම වෙනුවෙන් මෙම සතිය ප්‍රකාශයට පත් කර තිබේ.

ඒ අනුව, මෙම සතිය තුළ රාජ්‍ය ආයතන, පාසල් හා බිම් මට්ටමින් පුළුල් දැනුවත් කිරීමේ මෙහෙයුමක් ක්‍රියාත්මක කිරීමට නියමිතයි. රජයේ අමාත්‍යාංශ ඇතුලු සියලු අනුබද්ධ ආයතනයන්හි නිලධාරීන්ගේ දායකත්වයෙන් වැඩසටහන් රැසක් සංවිධානය කර ඇත.

ශ්‍රී ලාංකිකයන්ට ඩුබායි එමිරේට්ස් ගුවන් සේවයේ රැකියා - දහස් ගණනකට රැකියා අවස්ථා මෙන්න

පාසල් ගුරුවරු හා සිසු දරුවන් මෙන්ම පොදු මහජනතාව දැනුවත් කිරීම සඳහා විවිධාංගීකරණය කරන ලද නව වැඩසටහන් ක්‍රියාත්මක කිරීමටයි කටයුතු යොදා ඇත. එමෙන්ම, පොදු ප්‍රවාහනයේ නියුතු බස් රථ, ත්‍රිරෝද රථ හා පාසැල් ප්‍රවාහන රථ මූලික කර ගෙන විවිධ ප්‍රචාරක ක්‍රියාකාරකම් සිදු කිරීමට ද නියමිතයි.

විෂ මත්ද්‍රව්‍ය ව්‍යසනය පිටු දැකීම වෙනුවෙන් අදාළ රාජ්‍ය ආයතන ඔස්සේ අවශ්‍ය නීතිමය ක්‍රියාමාර්ග ඇතුලු සෙසු මැදිහත්වීම් නොපිරිහෙළා ක්‍රියාත්මක කරන අතරම, මෙම ජාතික මෙහෙයුම සාර්ථක කරගැනීමට අත්‍යවශ්‍ය සාධකයක් වන පුළුල් සමාජ දැනුවත්භාවයක් ඇති කිරීමට මෙම සියලු වැඩසටහන් තුළින් අපේක්ෂා වේ.

මග බලන් හිටියා ඇති - ලාෆ්ස් ගෑස් හා ලිට්‍රෝ ගෑස් ගැන නිවේදනයක්

බිහිසුණු අනතුරක් - ගුවන් යානයක් කඩා වැටේ - 15ක් මරුට 30ක් රෝහලේ