අද සිට ජූලි 31 දක්වා විශේෂ සතියක් - සියලුම රාජ්ය ආයතනවල උදේ 9 සිට ක්රියාත්මකයි
“සුපිලිපන් සංස්කෘතියක් – ක්ලීන් ශ්රී ලංකාවක්” යන තේමාව යටතේ ප්රකාශයට පත් කර ඇති ජාතික සුපිලිපන් සතිය අද (27) දින පටන් ජූලි 31 දක්වා ක්රියාත්මක වෙයි.
ඒ අනුව ජනාධිපති ලේකම් ආචාර්ය නන්දික කුමානායක මහතාගේ අත්සනින් යුතු චක්රලේඛයක් මඟින් ප්රකාශයට පත් කර ඇති එම වැඩසටහන, ජනාධිපති ලේකම් කාර්යාලය හා ක්ලීන් ශ්රී ලංකා වැඩසටහන ඒකාබද්ධව ක්රියාත්මක කරයි.
එසේම “ජාතික සුපිලිපන් සතිය” අද (27) පෙරවරු 9.00 ට ජනාධිපති ලේකම් කාර්යාලය ප්රමුඛ සියලුම රාජ්ය ආයතනවල ‘ජාතික සුපිලිපන් දිවුරුම‘ ලබා දීම සහ ‘ආචාර ධර්ම සංග්රහය‘ ප්රකාශයට පත් කිරීමෙන් ආරම්භ වීමට නියමිතව ඇත.
මෙරට රාජ්ය සේවයේ ගුණාත්මකභාවය, කාර්යක්ෂමතාව සහ පාරදෘශ්යභාවය ඉහළ නැංවීම මෙන්ම දූෂණයෙන් තොර ආදර්ශවත් පරිපාලන ව්යුහයක් ගොඩනැංවීම මෙම සතිය ප්රකාශයට පත් කිරීමේ ප්රධාන අරමුණ වේ.
එසේම එහිදී ‘සුපිලිපන්භාවය’ යන්නෙන් අදහස් කරන්නේ තමා විසින්ම ස්වයං විනයකින් , ස්වයං පාලනයකින්, හා ස්වයං අධීක්ෂණයකින් යුතුව හෘද සාක්ෂියට එකඟව නිවැරදි , විනිවිදභාවයකින් යුතු සහ සදාචාරාත්මකව තම සේවය ඉටු කිරිමයි.
එබැවින් ජාතික සුපිලිපන් සතිය සැලසුම් කර ඇත්තේ පහත පරිදීයි,
ජූලි 27- ආයතනික සුපිලිපන්බව ප්රවර්ධනය කිරීම. ජූලි 28- මූල්ය, ඩිජිටල්, ව්යවසායකත්ව හා තාක්ෂණික සුපිලිපන්බව ප්රවර්ධනය කිරීම ජූලි 29- ආධ්යාත්මික, ආචාරධර්මීය, සංස්කෘතික සහ සමාජීයීය සුපිලිපන්බව ප්රවර්ධනය කිරීම.
ජූලි 30- මෙහෙයුම්, යටිතල පහසුකම්, සේවා සැපයීමේ සහ ශ්රම සුපිලිපන්බව ප්රවර්ධනය කිරීම.
ජූලි 31-පාරිසරික, සම්පත් කළමනාකරණ, ග්රාමීය සහ ප්රජා සවිබලගැන්වීමේ සුපිලිපන්බව ප්රවර්ධනය කිරීම.
මේ අතර ජනාධිපති ලේකම් කාර්යාලයේ මෙහෙයවීම යටතේ සෑම රාජ්ය ආයතයකම ස්ථාපිත “අභ්යන්තර කටයුතු ඒකක” මඟින් මහජනතාවට සිදුවන අපහසුතා හෝ දූෂණ ක්රියා පිළිබඳ පැමිණිලි භාරගන්නා අතර මහජනතාවට QR කේත, විද්යුත් තැපෑල (Email), ලිපි, දුරකථන ඇමතුම් හෝ වෙබ් පණිවිඩ ඔස්සේ තම පැමිණිලි ඉදිරිපත් කළ හැක.
එම පැමිණිලි සම්බන්ධයෙන් ආයතන ප්රධානීන් ගන්නා ක්රියාමාර්ග නිරීක්ෂණය කිරීම සඳහා ජනාධිපති ලේකම් කාර්යාලය මඟින් විශේෂ ඩිජිටල් පද්ධතියක් ද ක්රියාත්මක බව සඳහන්.
එසේම ජූලි 31 වැනිදායින් පසු, දෙසැම්බර් 31 වැනිදා දක්වා මෙම වැඩසටහන සියලු රාජ්ය හා අර්ධ රාජ්ය ආයතනවල අඛණ්ඩව ක්රියාත්මක කිරීමට සැලසුම් කර ඇත.
![ලංගම කවදාවත් ගොඩ එන්නෙ නෑ..මේක ජාතික අපරාධයක් - අලුතින් එන්න යන බස් 600 ගැන සතුටු වුණ අයට අනතුරු ඇඟවීමක් [VIDEO]](https://cdn.ibcstack.com/article/18397eab-6d78-4039-bcc8-4cbd107032d7/26-6a66ad8aa38f2-sm.webp)
![ඉන්දියාවම ඇවිලෙද්දි පැය 24 තුළ මෝදි දාපු වීඩියෝව නැරඹුම් වාර මිලියන 300 ක් පහු කරයි - වයරල් කරාට ස්තූති කරමින් තවත් වීඩියෝවක් [VIDEO]](https://cdn.ibcstack.com/article/113c309f-5c46-4591-91b6-1cd7eacfde65/26-6a6434a052f0c-sm.webp)
![පාර්ලිමේන්තු සභාවාරය ඇරඹෙයි [VIDEO]](https://cdn.ibcstack.com/article/e2e4c5ac-d6b0-47ba-b52e-6e5c26d57fa5/26-6a6194188d3ee-sm.webp)
![හරීන් ඇමතිතුමා වාචිකව පොරොන්දු වෙච්ච ඩොලර් ලක්ෂ තුන යුපුන් අපෙන් ඉල්ලනවා - රටක් ආදරය කළ යුපුන් කළකිරීමෙන් ක්රීඩාවෙන් සමුගද්දි ක්රීඩා ඇමති කට අරී [VIDEO]](https://cdn.ibcstack.com/article/ded762a6-9b9a-458b-90f3-f09ce9f6a977/26-6a60f83e3c1b6-sm.webp)
