නාමල්ගේ ලන්ඩන් සංචාරය සාර්ථකයි

ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී හා ජාතික සංවිධායක නාමල් රාජපක්ෂ මහතා එක්සත් රාජධානියේ ලන්ඩන් බෞද්ධ විහාරස්ථානයට වැඳ පුදා ගනිමින් සිය සංචාරය ආරම්භ කර තිබේ.

මෙම වසරේදී එම විහාරස්ථානයට වසර 100ක් සපිරෙන බැවින් ඔහු සුභ පැතුම් එක්කර ඇති අතර, මහා සංඝරත්නයෙන් ආශිර්වාද ලබා ගැනීමට ද අවස්ථාව ලැබුණු බව ඔහුගේ කණ්ඩායම පැවසීය.

එහෙත්, ඔහුගේ සංචාරයට එරෙහිව එක්සත් රාජධානියේ ටැමිල් සංවිධාන හා දියස්පෝරාව විසින් සැලසුම් කළ විරෝධතා හේතුවෙන් ආරක්ෂක ගැටළු මතුවීම නිසා කේම්බ්‍රිජ් යූනියන්හි (Cambridge Union) නියමිත දේශනය අවලංගු කර ඇති බව ඔහුගේ කාර්යාලය නිවේදනය කළේය.

ඉරානයට “ගහන්න” කියන අවස්ථාවක - ඇමරිකානු ප්‍රහාරක ප්‍රධානී ලංකාවට

කෙසේ වෙතත්, ඔක්ස්ෆර්ඩ් යූනියන්හි (Oxford Union) දේශනය හා එක්සත් රාජධානියේ ශ්‍රී ලාංකික ප්‍රජාව සමඟ රැස්වීම් කිහිපයක් සැලසුම් කළ පරිදිම සිදුවනු ඇතැයි අපේක්ෂා කෙරේ. ඔක්ස්ෆර්ඩ් යූනියන් දේශනය පෙබරවාරි 25 වැනිදා සිදුවීමට නියමිත බව වාර්තා වේ.

මෙම සංචාරයේදී ශ්‍රී ලංකා පොදුජන පෙරමුණේ මහලේකම් සාගර කාරියවසම් මහතා හා පක්ෂ ක්‍රියාකාරික මිලින්ද රාජපක්ෂ මහතා ඇතුළු පිරිසක් ඔහු සමඟ එක්ව සිටින බව ද සඳහන්ය.

රතු නිවේදන යටතේ දිස්ත්‍රික්ක 3ක් - දිස්ත්‍රික්ක 3ක පවුල් කිහිපයක් ආරක්ෂිත ස්ථාන වෙත මාරු කරයි

කේම්බ්‍රිජ් යූනියන්ගේ අවලංගු කිරීම සම්බන්ධයෙන් නාමල් රාජපක්ෂ මහතා මාධ්‍යවේදීන් හමුවේ අදහස් දක්වමින්, රටේ ජාතික අභිමානය නියෝජනය කරමින් ගිය අවස්ථාවක LTTE ඩයස්පෝරාවේ බලපෑම් හමුවේ මෙවැනි තීරණයක් ගැනීම අනුමත කළ නොහැකි බව ප්‍රකාශ කර තිබේ. ඔහුට අනුව, LTTE ත්‍රස්තවාදය හමුදාමය වශයෙන් පරාජය කළද, එහි අදහස්වාදී බලපෑම එක්සත් රාජධානිය ඇතුළු රටවල ඩයස්පෝරාව හරහා තවමත් ක්‍රියාත්මක බවයි.

මෙම සංචාරය හා සම්බන්ධ විරෝධතා හේතුවෙන් බ්‍රිතාන්‍යයේ ටැමිල් සිසුන්ගේ සංවිධාන 22ක් විසින් යූනියන්වලට ලිපි යොමු කර තිබූ බවත්, එය තීරණයට බලපෑ බවත් වාර්තා වේ.

ඉරානයට “ගහන්න” කියන අවස්ථාවක - ඇමරිකානු ප්‍රහාරක ප්‍රධානී ලංකාවට