මුම්බායි අධිකරණය ශිල්පා ෂෙට්ටිගේ කොළඹ ගමන තහනම් කරයි

ප්‍රකට ඉන්දියානු නිළිය ශිල්පා ෂෙට්ටි ශ්‍රී ලංකාවේ කොළඹ පැවැත්වෙන යූටියුබ් නිර්මාණකරුවන්ගේ උත්සවයක සඳහා යාමට ඉල්ලූ ඉල්ලීම මුම්බායි මහාධිකරණය විසින් ප්‍රතික්ෂේප කර ඇත.

ඉන්දියානු රුපියල් කෝටි 60කට (ආසන්න වශයෙන් ඩොලර් මිලියන 7.2) ආසන්න මූල්‍යමය අක්‍රමිකතාවකට (fraud case) සම්බන්ධව ශිල්පා ෂෙට්ටි සහ ඇගේ සැමියා වන ව්‍යාපාරිකවරයා රාජ් කුන්ද්‍රාට එරෙහිව ආර්ථික අපරාධ අංශය (EOW) විසින් නිකුත් කර ඇති සොදිසි චක්‍රලේඛයක් (Lookout Circular - LOC) නිසා ඔවුන්ට විදේශ ගමන් තහනම් කර ඇත. එම චක්‍රලේඛයෙන් අධිකරණයේ හෝ විමර්ශන ආයතනයේ පූර්ව අවසරයකින් තොරව විදේශගත වීම වළක්වා ඇත.

අන්තිම සටනේ ශ්‍රී ලංකා හමුදාව දෙමළ ජනතාව සමූල ඝාතනය කරා මම ඊට සාක්ෂියි - මන්ත්‍රී ගජේන්ද්‍රකුමාර්

ශිල්පා ෂෙට්ටිගේ නීතිඥවරයා අධිකරණයට දැනුම් දුන්නේ, ඔක්තෝබර් 25 සිට 29 දක්වා කොළඹ පැවැත්වෙන යූටියුබ් නිර්මාණකරුවන්ගේ උත්සවයකට (YouTube Creators' Fest) ඇයට ආරාධනා කර ඇති බවයි.

අධිකරණය ආරාධනාවේ විධිමත් පිටපතක් ඉල්ලූ විට, නීතිඥවරයා පැවසුවේ සංවිධායකයින් සමඟ සාකච්ඡා වාචිකව පමණක් සිදුව ඇති බවත්, සංචාරක වීසා අනුමැතිය ලැබුණු පසු විධිමත් ආරාධනාවක් නිකුත් කරනු ඇති බවත්ය.

අධිකරණය පෙන්වා දුන්නේ, විදේශ ගමනට අවසර ලබාදීම සලකා බැලීමට පෙර ශිල්පා ෂෙට්ටි සහ රාජ් කුන්ද්‍රා මුලින්ම රුපියල් කෝටි 60ක වංචා ආරක්ෂණ වගකීම (deposit) ඉවත් කළ යුතු බවයි. මෙම තීරණය ලබාදීමෙන් පසු, නඩුව යළිත් ඔක්තෝබර් 14 වන දින විභාගයට ගැනීමට නියමිතය.

ජනප්‍රිය ගායකයෙක් රිය අනතුරකින් ජීවිතක්ෂයට

මෙම නඩුව ආරම්භ වූයේ 2021දී රාජ් කුන්ද්‍රාගේ Viaan Industries සමාගම හරහා ආයෝජකයින්ගෙන් රුපියල් කෝටි 60කට වඩා ලබාගෙන එය ආපසු නොදීම සම්බන්ධයෙනි. ශිල්පා ෂෙට්ටි එම සමාගමේ අධ්‍යක්ෂිකාවක වූ අතර, ඇය ද මෙම අක්‍රමිකතාවට සම්බන්ධ බව EOW පවසයි.

මහින්ද රාජපක්ෂ හිටපු ගෙදර වතුර ලයිට් කපයි?