මැනිං වෙළඳපොළ ගැන රටටම සතුටු හිතෙන ආරංචියක්

පෑලියගොඩ මැනිං වෙළඳපොළ ඩිජිටල්කරණය කරමින් නව මාර්ගගත ගෙවීම් පද්ධතිය නිල ලෙස ආරම්භ කර ඇත.

ඒ, එම වෙළඳපොළේ දෛනික මූල්‍ය ගණුදෙනු වඩාත් විධිමත් කිරීමේ අරමුණින් බව සඳහන්.

එමෙන්ම නාගරික සංවර්ධන අධිකාරිය මඟින් හඳුන්වා නව මාර්ගත පද්ධතිය අද (02) දින පෙරවරුවේ ප්‍රවාහන, මහාමාර්ග සහ නාගරික සංවර්ධන අමාත්‍ය බිමල් රත්නායක, ඩිජිටල් ආර්ථික නියෝජ්‍ය අමාත්‍ය එරංග වීරරත්න සහ නාගරික සංවර්ධන නියෝජ්‍ය අමාත්‍ය එරංග ගුණසේකර යන මහත්වරුන්ගේ ප්‍රධානත්වයෙන් ක්‍රියාත්මක කර තිබුණා.

ඒ අනුව fmis.uda.lk වෙබ් ද්වාරය ඔස්සේ ක්‍රියාත්මක වන මෙම නවීන පද්ධතිය මඟින් වෙළඳපොළේ සිටින ව්‍යාපාරික ප්‍රජාවට තමන්ගේ බදු මුදල් හා අනෙකුත් දෛනික ගෙවීම් ඉතා පහසුවෙන් තමන් සතු ජංගම දුරකථනය ඔස්සේ සිදු කිරීමට මින් ඉදිරියට අවස්ථාව ලැබෙන බව සඳහන්.

සියලුම දෙනාට විශේෂ දැනුම්දීමක් - ඔබේ බැංකු කාඩ්පත්වලට මෙම පණිවිඩ ලැබුණොත් වහාම දැනුම්දෙන්න

එරංග වීරරත්න මහතා සඳහන් කළේ ශ්‍රී ලංකාවේ තොග වෙළඳ ක්ෂේත්‍රයේ ප්‍රමුඛයා වන මැනිං වෙළඳපොළ මෙලෙස ඩිජිටල්කරණය වීම රජයේ ජාතික ඩිජිටල් පරිවර්තන උපාය මාර්ගයේ සුවිශේෂී ජයග්‍රහණයක් බවයි.

ඒ අනුව මුදල් රහිත ගෙවීම් ක්‍රමවේදයක් හඳුන්වාදීම තුළින් වෙළඳ ප්‍රජාවට සිය ව්‍යාපාරික කටයුතුවලදී කාලය ඉතිරි කරගැනීමට හැක බව ද අමාත්‍යවරයා පැවසුවා.

එමෙන්ම පෝලිම්වල රැඳී සිටීමේ පීඩාවෙන් මිදීමටත් හැකි වන අතර ගෙවීම්වල විනිවිදභාවය හා මූල්‍ය ආරක්ෂාව උපරිම මට්ටමින් තහවුරු වන බව ද අමාත්‍යවරයා වැඩිදුරටත් සඳහන් කළා.

එමෙන්ම මෙම ක්‍රමවේදය ඉදිරි කාලයේදී රට පුරා පිහිටි සෙසු ආර්ථික මධ්‍යස්ථාන වෙත ද ව්‍යාප්ත කිරීමට රජය සැලැසුම් කර තිබෙන බව සඳහන්.

රත්තරන් ගන්න හිතන් ඉන්න අයට සුබ ආරංචියක් - රන් මිල විශාල ලෙස පහළට

අමුඉඟුරු මිල අහසට - ජනතාව අසරණයි