මේ රාජ්‍ය සේවකයන්ගේ විශ්‍රාම වයස පිළිබඳව විශේෂ නිවේදනයක්

ආණ්ඩුක්‍රම ව්‍යවස්ථා සංශෝධනයක් මඟින් මෙරට අභියාචනාධිකරණ සහ ශ්‍රේෂ්ඨාධිකරණ විනිසුරුවරුන්ගේ විශ්‍රාම ගැන්වීමේ වයස් සීමාව ඉහළ නැංවීමට රජය විසින් ගනු ලබන නවතම උත්සාහය සම්බන්ධයෙන් ශ්‍රී ලංකා නිදහස් නීතිඥ සංගමය විසින් විශේෂ නිල නිවේදනයක් නිකුත් කර තිබේ.

අදාළ නිවේදනය මඟින් ඔවුන් අවධාරණය කර සිටින්නේ වත්මන් රජයේ මෙම ආන්දෝලාත්මක යෝජනාවට තමන් ඇතුළු නීතිඥ ප්‍රජාවගේ බලවත් විරෝධය සහ දැඩි අප්‍රසාදය මෙලෙස ප්‍රකාශ කර සිටින බවයි.

මේ රාජ්‍ය සේවකයන් සුවිශේෂී තීරණයක් ගනී - හෙට සිට ක්‍රියාත්මකයි

වත්මන් ශ්‍රී ලංකා ආණ්ඩුක්‍රම ව්‍යවස්ථාව මඟින් අභියාචනාධිකරණ සහ ශ්‍රේෂ්ඨාධිකරණ විනිසුරුවරුන්ගේ විශ්‍රාම වයස පිළිවෙළින් අවුරුදු 63 සහ 65 ලෙස දක්වා ඇති නිල සීමාව, ව්‍යවස්ථා සංශෝධනයක් මඟින් තවත් වසර 2 බැගින් දීර්ඝ කිරීමට රජය ගන්නා උත්සාහය පිළිබඳව නිදහස් නීතිඥ සංගමයේ දැඩි අවධානය යොමුව ඇති බව එම නිවේදනයේ සඳහන් වේ.

අද වන විටත් ශ්‍රේෂ්ඨාධිකරණයේ සහ අභියාචනාධිකරණයේ විනිසුරුවරුන් 8 දෙනෙකුගේ නිල පුරප්පාඩු පවතින බවත්, මෙම අත්‍යවශ්‍ය පුරප්පාඩු කඩිනමින් පිරවීම ජනාධිපතිවරයා විසින් දීර්ඝ කාලයක සිට හිතාමතාම පැහැර හැර ඇති බවත් නිදහස් නීතිඥ සංගමය සෘජුවම චෝදනා කර සිටී.

තමා වෙත ආණ්ඩුක්‍රම ව්‍යවස්ථාවෙන් පවරා ඇති ව්‍යවස්ථාමය වගකීම මෙලෙස පැහැර හැරීම, ජනාධිපතිවරයාට එරෙහිව දෝෂාභියෝග යෝජනාවක් ගෙන ඒමට පවා පාදක කරගත හැකි බරපතළ කරුණක් බව පෙන්වා දෙන එම නීතිඥ සංගමය, මේ වන විට ශ්‍රේෂ්ඨාධිකරණයේ සහ අභියාචනාධිකරණයේ විභාග වෙමින් පවතින නඩු රාශියක් ගොඩගැසී ඇති බව ද සිහිපත් කරයි.

රට තුළ සාධාරණ ලෙස යුක්තිය පසඳලීම සහ විශේෂයෙන්ම නඩු කටයුතු ඉක්මන් කිරීම සඳහා අධිකරණ පද්ධතියේ යටිතල පහසුකම් පුළුල් කළ යුතුවා සේම, පවතින විනිශ්චයකාරවරුන්ගේ පුරප්පාඩු කඩිනමින් පිරවීම සිදුකළ යුතු බව ඔවුහු පෙන්වා දෙති.

කෙසේ නමුත් මෙම මූලික ක්‍රියාමාර්ගයන් සම්පූර්ණයෙන්ම අමතක කර, ඉහළ අධිකරණවල විනිශ්චයකාරවරුන්ගේ සේවා කාලය පමණක් ව්‍යවස්ථා විරෝධී ලෙස දිගු කිරීමෙන් මෙරට පවතින දැඩි නඩු ප්‍රමාද වීම වළක්වාලීමට කිසිසේත්ම නොහැකි බව එම නීතිඥ සංගමය නිකුත් කළ නිවේදනයේ වැඩිදුරටත් දැක්වේ.

වාරිමාර්ග දෙපාර්තමේන්තුවෙන් හදිසි නිවේදනයක්

මෙලෙස ප්‍රමුඛව කළ යුතු අත්‍යවශ්‍ය කරුණු තිබියදී රජය විසින් හදිසියේම විනිශ්චයකාරවරුන්ගේ විශ්‍රාම ගන්නා වයස් සීමාව දීර්ඝ කිරීමට කටයුතු කිරීම, යම් සැඟවුණු යටි අරමුණක් සහිතව කරනු ලබන දේශපාලන ක්‍රියාවක් බවට බලවත් සැකයක් මතුවන බවත්, මේ තුළින්ම මෙරට අධිකරණ පද්ධතියේ ස්වාධීනත්වය පිළිබඳව සමාජය තුළ බරපතළ ප්‍රශ්නාර්ථයක් නැගීමට සෘජුවම හේතු වන බවත් ශ්‍රී ලංකා නිදහස් නීතිඥ සංගමය අවධාරණය කර සිටියි.