වාරිමාර්ග දෙපාර්තමේන්තුවෙන් හදිසි නිවේදනයක්

වාරිමාර්ග දෙපාර්තමේන්තුව පවසන්නේ තම පාලනය යටතේ ඇති ප්‍රධාන ජලාශ 73 තුළ දැනට ගබඩා කළ හැකි සමස්ත ජල ධාරිතාවෙන් සියයට 63ක ප්‍රමාණයක් රැස්වී ඇති බවයි.

ඒ අනුව, ඉදිරි යල කන්නයේ වගා කටයුතු සඳහා අවශ්‍ය ජලය සැපයීමේ හැකියාව පවතින බව ද එම දෙපාර්තමේන්තුව සඳහන් කරයි.

දිස්ත්‍රික්ක අනුව ප්‍රධාන ජලාශවල ජල ධාරිතා පහත පරිදි වාර්තා වී ඇත.

අම්පාර – 41% අනුරාධපුර – 81% බදුල්ල – 74% මාතලේ – 49% ගාල්ල – 72% මහනුවර – 93% කුරුණෑගල – 86% මොනරාගල – 76% පොළොන්නරුව – 71% පුත්තලම – 93% ත්‍රිකුණාමලය – 68% මන්නාරම – 76%

කෙසේවෙතත්, ඉදිරියේදී වැසි තත්ත්වයේ අඩුවීමක් අපේක්ෂා කරන බැවින් ජලය අරපිරිමැස්මෙන් භාවිත කරන ලෙස වාරිමාර්ග දෙපාර්තමේන්තුව ජනතාවගෙන් සහ ගොවි ජනතාවගෙන් ඉල්ලීමක් කර තිබේ.