ලංකාවටම සුභ ආරංචියක් - කුවේට් එයාවේස් කොළඹ දක්වා යළි ගමන් අරඹයි

අද (8) පස්වරුවේ මැදපෙරදිග යුධමය වාතාවරණය හේතුවෙන් මෙහෙයුම් නවතා තිබූ 'කුවේට් එයාවේස්' ගුවන්සේවය යළි කොළඹ දක්වා ගුවන්ගමන් ආරම්භ කරන බව සිවිල් ගුවන්සේවා අමාත්‍යාංශය නිවේදනය කළේය.

ඒ අනුව මේ වනවිට ඇති වී තිබෙන යුධමය වාතාවරණය සලකාබලමින් අප්‍රේල් 15 සිට ගුවන්ගමන් නිල වශයෙන් ආරම්භ කිරීමට එම සමාගම තීරණය කර තිබේ. යුධමය වාතාවරණය හේතුවෙන් ඉකුත් පෙබරවාරි 28 වනදා සිට 'කුවේට් එයාවේස්' සිය ‍මෙහෙයුම් කටයුතු තාවකාලිකව නතර තිබුණි.

ලොවම සාමයට පත්කළ සටන් විරාමයට යුක්රේනයත් එක්වෙයි

ඉන් අනතුරුව මාර්තු 2වනදා සිට ගුවන්ගමන් නැවත ආරම්භ කිරීමට තීරණය කළද, ඒ වනවිටද තිබූ අනාරක්‍ෂිත තත්ත්වය හේතුවෙන් ගුවන්ගමන් යළි අත්හිටුවීය. කෙසේ නමුත් එම තත්ත්වය යටතේ මාර්තු 31වනදා මඟීන් 241ක් රැගත් විශේෂ ගුවන් යානයක් කුවේට් සිට කටුනායක වෙත පැමිණියේය.