වසර 99ක් පැරණි ලෝක වාර්තාවක් කමිඳු බිඳහෙලයි..වාර්තා පිට වාර්තා තැබූ ශ්‍රී ලංකාව.(PHOTOS)
Aruna
ලෝක ටෙස්ට් ක්‍රීඩාවේ අඩුම තරග ගණනකදී වේගයෙන් ලකුණු 1000ක් පසුකළ ලොව පළමු ක්‍රීඩකයා බවට කමිඳු මෙන්ඩිස් ලෝක වාර්තාවක් පිහිටුවා තිබෙනවා.
කමිඳු සිය 8 වැනි ටෙස්ට් තරගයේදී ඊයේ ලකුණු 1000 පසුකළ අතර, 1925 දී ඔස්ට්‍රේලියාවේ හර්බට් සට්ච්ක්ලිෆ් තම 9 වැනි ටෙස්ට් තරගයේදී ලකුණු 1000 පසුකොට තිබූ වාර්තාව වසර 99කට පසු බිද දැමීම විශේෂත්වයක්.
නවසීලන්තයට එරෙහි දෙවැනි ටෙස්ට් තරගයේ ඊයේ දෙවැනි දිනයේදී ගාල්ල ජාත්‍යන්තර ක්‍රිකට් ක්‍රීඩාංගණයේදී කමිඳු නොදැවී ලකුණු 182ක් ලැබීමත් සමඟ ඔහුගේ ටෙස්ට් ලකුණු ගණන 1004 දක්වා ඉහළ ගියා.
මෙ‍තෙක් ශ්‍රී ලංකාවේ පිතිකරුවකු අවම ඉනිම සංඛ්‍යාවකින් ලකුණු 1000 සීමාව ඉක්මවා ගිය වේගවත්ම පිතිකරුවා කමිඳු මෙන්ඩිස් වන අතර, හිටපු ටෙස්ට් පිතිකරු රෝයි ඩයස් ඉනිම 23කදී මෙම දස්කම දක්වා තිබිණ.
Photos credit by Arul
