“ටිල්වින් ජවිපෙ ජාත්‍යන්තර සබඳතා ශක්තිමත් කරයි'' - භාරතීය ජනතා පක්ෂයේ ආරාධනයෙන් දූත පිරිසක් ඉන්දියාවේ සංචාරයක

ශ්‍රී ලංකාවේ ජනතා විමුක්ති පෙරමුණේ (JVP) මහ ලේකම් ටිල්වින් සිල්වා මහතාගේ ප්‍රධානත්වයෙන් යුත් පස්දෙනෙකුගෙන් සමන්විත දූත පිරිසක් ඉන්දීය භාරතීය ජනතා පක්ෂයේ (BJP) ආරාධනයකට අනුව මේ වන විට ඉන්දියාවේ සංචාරයක නිරත වෙමින් සිටී.

මෙම සංචාරය සැප්තැම්බර් 27 සිට ඔක්තෝබර් 1 දක්වා සිදුකෙරේ. නවදිල්ලියේ ජාතික යුද ස්මාරකයේ පැවති ‘Change of Guard’, ‘Next-of-Kin’ සහ ‘Retreat’ යන උත්සවවලට ද JVP දූත පිරිස සහභාගී වී තිබේ. එම උත්සව ඉන්දීය සන්නද්ධ හමුදාවන්ගේ සම්ප්‍රදායන් සහ මියගිය හමුදා සාමාජිකයන් සිහිපත් කිරීම හා සම්බන්ධ වේ.

ටිල්වින් සිල්වා මහතාට අමතරව, JVP මධ්‍යම කාරක සභික චන්ද්‍රිකා අධිකාරි, පාර්ලිමේන්තු මන්ත්‍රී අබූබකර් අතාම්බාව, දිස්ත්‍රික් කාරක සභික කබිලාන් සුන්දරමූර්ති සහ ජාත්‍යන්තර කටයුතු අංශයේ සාමාජිකා කල්පනා මධුභාෂිනී මෙම දූත පිරිසට ඇතුළත් වෙති.

“හොරුන්ට දඬුවම් දීමේදී සීමාවක් නැහැ” - හොරුන් අල්ලන කාල සීමාවත් ගම්පහදී ජනාධිපති හෙළිකරයි

සංචාරය අතරතුර BJP ජාතික සභාපති නිටින් නබින්, ජාතික මහ ලේකම් (සංවිධාන) බී. එල්. සන්තෝෂ් ඇතුළු එම පක්ෂයේ ජ්‍යෙෂ්ඨ නායකයන් හමුවීමට දූත පිරිස නියමිතව තිබේ. එමෙන්ම ඉන්දීය විදේශ කටයුතු අමාත්‍ය ආචාර්ය එස්. ජයශංකර් සහ දිල්ලි මහ ඇමතිනි රේඛා ගුප්තා සමඟ සාකච්ඡා කිරීමට ද වැඩසටහන්ගත කර ඇත.

BJP මූලස්ථානයේදී එම පක්ෂයේ විවිධ අංශ සහ සංවිධාන සමඟ අදහස් හුවමාරු කර ගැනීමටත්, ඉන්දීය පාර්ලිමේන්තුව සහ දිල්ලි BJP ප්‍රාන්ත කාර්යාලය නැරඹීමටත් දූත පිරිසට අවස්ථාව සැලසීමට නියමිතය.

BJP විදේශ කටයුතු දෙපාර්තමේන්තුවේ භාරකාර විජේ චෞතායිවාලේ සඳහන් කර ඇත්තේ, මෙම සංචාරයේ අරමුණ BJP සහ JVP අතර සම්බන්ධතා ශක්තිමත් කිරීම, සංවිධානික අත්දැකීම් හුවමාරු කර ගැනීම සහ පක්ෂ දෙක අතර සබඳතා තවදුරටත් ගැඹුරු කිරීම බවයි.

නාමල් රාජපක්ෂ යළි බන්ධනාගාරයට - ඇප ඉල්ලීම ඉවතට - උණුසුම් වන එයාර් බස් ගුවන් යානා නඩුව