අද දේශපාලන ඉතිහාසයම සලිත වෙයි - හිටපු අමාත්‍ය ජොන්ස්ටන්ගේ අත්අඩංගුවට ගැනීම ගැනත් අල්ලස් කොමිසමෙන් නිල නිවේදනයක්

අල්ලස් හෝ දූෂණ චෝදනා විමර්ශන කොමිෂන් සභාව මඟින් නිල නිවේදනයක් නිකුත් කර තිබෙනවා.

ඒ හිටපු අමාත්‍ය ජොන්ස්ටන් ප්‍රනාන්දු මහතා අත්අඩංගුවට ගැනීමට බලපෑ නිශ්චිත හේතු පැහැදිලි කරමින්.

ඒ අනුව එම කොමිෂන් සභාවෙන් පවත්වනු ලබන විමර්ශනවලට අදාළව සිදුකළ මෙම අත්අඩංගුවට ගැනීම සම්බන්ධයෙන් කරුණු අදාළ නිවේදනය ඔස්සේ ප්‍රකාශයට පත්කර ඇත.

එබැවින් හිටපු සමූපකාර හා අභ්‍යන්තර වෙළෙඳ අමාත්‍ය ජොන්ස්ටන් ක්ෂේවියර් ප්‍රනාන්දු මහතා අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් අත්අඩංගුවට ගෙන තිබෙන්නේ පොල්ගොල්ල මහින්ද රාජපක්ෂ රඟහල සඳහා පුටු මිලදී ගැනීමේදී ඉංජිනේරු කාර්යයන් පිළිබඳ මධ්‍යම උපදේශන කාර්යාංශයට රුපියල් 7,973,114.50 ක පාඩුවක් සිදුකිරීම සහ බාහිර පාර්ශ්වයකට අයුතු වාසියක් සැලසීමේ දූෂණ චෝදනාව මතයි.

සියල්ල විමතියට පත් කරමින් නාමල් අල්ලස් කොමිසමෙන් අත්අඩංගුවට

එසේම අදාළ මිලදී ගැනීමේදී නිසි ප්‍රමිතියෙන් යුතුව අවම මිල ගණන් ඉදිරිපත් කළ ආයතනයෙන් ලබානොගෙන, ඩීසයින් පොයින්ට් පුද්. සමාගමෙන් මිලදී ගැනීමට කටයුතු සැලසුම් කිරීම සම්බන්ධයෙන් අඳාළ චෝදනා එල්ල වී තිබෙනවා.

එම සිදුවීමට අදාළව ආධාර අනුබල දීමේ චෝදනා මත ඩීසයින් පොයින්ට් පුද්. සමාගමේ හිමිකරු වන පටබැඳිගේ හේමන්ත ලලිත් ද සිල්වා යන අයද කොමිෂන් සභාවෙන් අත්අඩංගුවට ගෙන තිබෙනවා.

2026 සැප්තැම්බර් 04 වන දින පෙ.ව. 9.25 ට හිටපු අමාත්‍යවරයා අත්අඩංගුවට ගෙන ඇති අතර, පෙ.ව. 9.30 ට අදාළ සමාගම් හිමිකරු අත්අඩංගුවට ගෙන ඇත. මෙසේ අත්අඩංගුවට ගත් සැකකරුවන් දෙදෙනා කොළඹ ප්‍රධාන මහේස්ත්‍රාත් අධිකරණය වෙත ඉදිරිපත් කිරීමට නියමිතයි.  

නාමල් වෙනුවෙන් දුවගෙන ආපු ඉරාජ් - අල්ලස් කොමිසමේ ඉදිරියේ මහ සෙනඟක්

මේ පාරිභෝගිකයන්ගේ විදුලි සැපයුම තාවකාලිකව අත්හිටුවයි - මේවා කිරීමෙන් වළකින්නයි නිවේදනයක්