මැදපෙරදිග සාමයට නව බලාපොරොත්තුවක් - ඊශ්‍රායලය ලෙබනනය මූලික එකඟතාවකට

ඇමෙරිකාවේ මැදිහත්වීමෙන් මාස කිහිපයක් පුරා පැවති සාකච්ඡාවලින් අනතුරුව, ඊශ්‍රායලය සහ ලෙබනනය අතර දිගුකාලීන ආරක්ෂක ගැටුම් අවසන් කිරීමේ අරමුණින් මූලික එකඟතා ගිවිසුම අත්සන් තබා තිබේ.

මෙම ගිවිසුම අවසන් සාම ගිවිසුමක් නොවුවද, දෙරට අතර පවතින සතුරුකම් අවම කර ස්ථිර දේශසීමා සහ ආරක්ෂක එකඟතාවකට ළඟාවීම සඳහා වන මූලික සැලැස්මක් ලෙස සැලකේ.

ගිවිසුමට අනුව, දකුණු ලෙබනනයේ ඇතැම් ප්‍රදේශවලින් ඊශ්‍රායල හමුදා අදියරෙන් අදියර ඉවත් කිරීමට නියමිත අතර, එම ප්‍රදේශවල ආරක්ෂාව ලෙබනන හමුදාවට භාරදීමට සැලසුම් කර ඇත.

එක්සත් ජාතීන්ගේ CEDAW කමිටුවට තේරී පත් වූ එකම ශ්‍රී ලාංකිකයා - වැඩිම ඡන්දයෙන් පත් වෙයි

ඒ සඳහා දෙරට අතර සම්බන්ධීකරණය සිදුකරන ඒකාබද්ධ යාන්ත්‍රණයක්ද පිහිටුවීමට නියමිතය.

ඇමෙරිකාව මෙම ක්‍රියාවලියේ ප්‍රධාන මැදිහත්කරු ලෙස කටයුතු කරන අතර, ගිවිසුම ක්‍රියාත්මක කිරීම සඳහා ආරක්ෂක සහ මානුෂීය සහාය ලබාදෙන බවද ප්‍රකාශ කර ඇත.

කෙසේ වෙතත්, ලෙබනනයේ සන්නද්ධ සංවිධානය වන හිස්බුල්ලා මෙම ගිවිසුම ප්‍රතික්ෂේප කර ඇති අතර, සංවිධානය නිරායුධ කිරීමේ උත්සාහයන්ට විරෝධය දක්වා තිබේ.

එමෙන්ම ඊශ්‍රායල හමුදා සම්පූර්ණයෙන්ම ලෙබනන භූමියෙන් ඉවත් විය යුතු බවද එම සංවිධානය අවධාරණය කරයි.

අනෙක් පාර්ශ්වයෙන්, ඊශ්‍රායලය පවසන්නේ හිස්බුල්ලා සන්නද්ධ හැකියාවන් අවසන් වන තෙක් දකුණු ලෙබනනයේ ඇතැම් ආරක්ෂක කලාපවල තම හමුදා රඳවා තබන බවයි.

විශ්ලේෂකයන්ගේ අදහස වන්නේ මෙම මූලික එකඟතා ගිවිසුම මැදපෙරදිග කලාපයේ සාමය සඳහා වැදගත් ආරම්භක පියවරක් වුවද, හිස්බුල්ලා විරෝධය, ආරක්ෂක ගැටලු සහ දේශපාලන අභියෝග හේතුවෙන් එය සාර්ථකව ක්‍රියාත්මක කිරීම තවමත් විශාල අභියෝගයක් වන බවයි.

බස් ගාස්තු ඉහළට - ජූලි 01 දා සිට ක්‍රියාත්මක වේ

චීන ජනපති සහ බංග්ලාදේශ අගමැති අතර හමුවක්

අද උදෑසන 5.30 ට දිවයිනටම නිකුත් කළ නිවේදනය - 2 න් පස්සේ තත්ත්වය මේකයි