ඉරාන ජනපති මියගිය අතරේ ලංකාවට ආ විශේෂ දේ මෙන්න..සංවේදී සිදුවීමක්.
Aruna
ඉරාන ජනපති ඊබ්‍රයිම් රයිසි මියගිය අනුවේදනීය පුවත වාර්තා වූ මොහොතේම සිදු වූ තවත් අනුවේදනීය පුවතක් පිළිබඳව තොරතුරු මේ වන විට වාර්තා වනවා.
ඒ ඉරාන ජනාධිපතිවරයා මෙරට කෘෂිකර්මාන්ත හා වැවිලි කර්මාන්ත අමාත්‍ය මහින්ද අමරවීර මහතාහට එවා තිබූ ත්‍යාගයක් ඉරාන ජනාධිපතිවරයා මියගිය බවට නිල වශයෙන් නිවේදනය වූ මොහොතේම අමාත්‍යවරයාට ලැබීමේ පුවත පිළිබඳ සිදුවීමයි.
අමාත්‍ය මහින්ද අමරවීර මහතා ඉරානයේ රාජතාන්ත්‍රික සංචාරයක නිරත වීමට මින් පෙර නියමිතව තිබුණත් එය අවලංගු කිරීමට කටයුතු යොදා තිබූ බවයි වාර්තා වන්නේ.
උමා ඔය විවෘත කිරීම සඳහා ඉරාන ජනාධිපතිවරයා මෙරටට පැමිණි අවස්ථාවේදී ඔහුගේ පරිවාර අමාත්‍යවරයා ලෙස කටයුතු කළේ, මහින්ද අමරවීර මහතාය.
ඒ අනුව, අමාත්‍යවරයාගේ ඉරාන සංචාරය අවලංගු නොකරන ලෙසත් ඉරානයට පැමිණෙන ලෙසත් ඉරාන ජනාධිපතිවරයා විසින් අමාත්‍යවරයාට ආරාධනා කර තිබීම ද විශේෂවයක්.
ඒ අනුව ඉරානයේ සංචාරයක එක් වූ අමාත්‍ය අමරවීර මහතා එරට විදේශ ඇමති හා කෘෂිකර්ම ඇමති මුණගැසුණ ද ඉරාන ජනාධිපතිවරයා මුණ ගැසීමට නොහැකි වූ බවයි පැවසෙන්නේ.
කෙසේවෙතත් අමාත්‍යවරයා සඳහන් කර සිටියේ, යළි මෙරටට පැමිණීමෙන් පසු ආගමික සංකේතයක්, සංකේතවත් කරන ත්‍යාගයක් අමාත්‍ය මහින්ද අමරවීර මහතාහට මෙසේ ලැබී ඇති බවයි.
