මැදපෙරදිග නොනිමෙන යුද ගිනි මැද පාපන්දු ලෝක කුසලානයට ඉරාන කණ්ඩායම අමෙරිකාවට - FIFA ප්‍රධානියා කියයි

මෙවර ලෝක කුසලාන පාපන්දු තරගාවලිය සඳහා ඉරාන කණ්ඩායම අනිවාර්යයෙන්ම සහභාගී වනු ඇති බව ජාත්‍යන්තර පාපන්දු සම්මේලනයේ සභාපති ජියානි ඉන්ෆැන්ටිනෝ පවසයි. මෙම තරගාවලිය පැවැත්වීමට නියමිතව ඇත්තේ ඇමරිකාවේය.

වොෂින්ටන්හි පැවැති ආයෝජන සමුළුවකදී අදහස් දක්වමින් ඔහු කියා සිටියේ ක්‍රීඩාව සහ දේශපාලනය පටලවා නොගත යුතු බවයි "අපි බලාපොරොත්තු වෙනවා ඒ වන විට කලාපයේ සාමකාමී වාතාවරණයක් පවතිනු ඇති බව. එය ක්‍රීඩාවට ලොකු රුකුලක්. කෙසේ වුවත් ඉරානය තරගාවලියට පැමිණිය යුතුමයි," යනුවෙන් ඔහු වැඩිදුරටත් ප්‍රකාශ කර තිබේ .

අමෙරිකානු ජනාධිපති ඩොනල්ඩ් ට්‍රම්ප් මීට පෙර ප්‍රකාශ කර තිබුණේ පවතින ආරක්ෂක තත්ත්වය හමුවේ ඉරානය මෙම තරගාවලියට සහභාගී වීම සුදුසු නොවන බවත්, එය ක්‍රීඩකයන්ගේ ජීවිතවලට පවා අවදානමක් විය හැකි බවයි.

ඒවගේම ඉරාන උත්තරීතර නායකයා ඝාතනය වීමෙන් පසු ඉරාන ක්‍රීඩා අමාත්‍යවරයා පෙබරවාරි මාසයේදී පවසා තිබුණේ තම රට ලෝක කුසලාන පාපන්දු තරගාවලියට සහභාගී නොවන බවයි .

ශ්‍රී ලංකා මලල ක්‍රීඩා සංගමයේ ලේකම් ධුරයෙන් ඉවත් වෙයි

සිය තරග ඇමෙරිකාවෙන් බැහැරව මෙක්සිකෝව වෙත මාරු කරන ලෙස ඉරානය කළ ඉල්ලීම ෆිෆා ආයතනය විසින් ප්‍රතික්ෂේප කර තිබේ ඉරානය සහ අමෙරිකාව අතර පාපන්දු පිටියේ පවතින්නේ දීර්ඝ ඉතිහාසයක් වේ .

තවද 1998 වසරේදී ඉරානය ඇමෙරිකාව පරාජය කරමින් සිය පළමු ලෝක කුසලාන තරග ජයග්‍රහණය වාර්තා කරන්නට හැකියාව ලැබුණි. ඒ වගේම 2022 වසරේදී අමෙරිකාව විසින් ඉරානය පරාජය කිරීමට සමත් විය.

සම්මත අංක තහඩු වෙනුවට වෙනස් කරන ලද වාහන අංක තහඩු භාවිතා කරන රියදුරන්ට නීති දැඩිවෙයි

මෙවර තරගාවලියේදී ඉරානය සිය මූලික වටයේ තරග ලොස් ඇන්ජලීස් සහ සීඇටල් නගරවලදී ක්‍රීඩා කිරීමට නියමිතව තිබේ