ඉරාජ් සහ මිලින්දලාත් 22 වැනි සංශෝධනයට එරෙහිව පෙත්සමක් ඉදිරිපත් කරයි

රජය විසින් ගැසට් කර ඇති ආණ්ඩුක්‍රම ව්‍යවස්ථාවේ 22 වැනි සංශෝධනයට අදාළ පනත් කෙටුම්පත අභියෝගයට ලක් කරමින් තවත් පෙත්සමක් ශ්‍රේෂ්ඨාධිකරණය හමුවේ ගොනු කර තිබේ.

සමාජ මාධ්‍ය ක්‍රියාකාරීන් වන ඉරාජ් වීරරත්න, චාමර විජේසූරිය, නන්දන කුඩා මීගොඩ, නිලන්ත සත්සර ගමගේ සහ මිලින්ද රාජපක්ෂ යන්නන් විසින් මෙම පෙත්සම ගොනු කර ඇත.

පෙත්සම්කරුවන් පෙන්වා දෙන්නේ යෝජිත පනත් කෙටුම්පතේ ඇතුළත් ඇතැම් වගන්ති මගින් අධිකරණයේ ස්වාධීනත්වයට මෙන්ම ජනතාවගේ අදහස් ප්‍රකාශ කිරීමේ නිදහසටද බලපෑම් එල්ල වන බවයි.

එබැවින් අදාළ පනත් කෙටුම්පත පාර්ලිමේන්තුවේ තුනෙන් දෙකක බහුතරයකින් පමණක් නොව, ජනමත විචාරණයකින්ද අනුමත කළ යුතු බවට තීන්දුවක් ලබාදෙන ලෙස පෙත්සම්කරුවන් ශ්‍රේෂ්ඨාධිකරණයෙන් ඉල්ලා තිබේ.   

22 වන ආණ්ඩුක්‍රම ව්‍යවස්ථා සංශෝධනයට එරෙහිව ශ්‍රේෂ්ඨාධිකරණය හමුවේ පෙත්සම් 21ක්

මුහුද පිළිබඳ ධීවර සහ නාවික ප්‍රජාවට දැනුම්දීමක් - තද සුළං සහ මුහුද රළු වන ප්‍රදේශ මෙන්න