ශ්‍රී ලංකාවේ රහසිගත වංචා ජාලයක් හෙළිවෙයි – 134ක් අත්අඩංගුවට

සංවිධානාත්මක අන්තර්ජාල වංචා ජාලයක් ඉලක්ක කරගත් විශේෂ මෙහෙයුමකදී, අනුරාධපුර සහ මිහින්තලේ ප්‍රදේශවලින් විදේශිකයන් 134 දෙනෙකු අත්අඩංගුවට ගෙන තිබේ.

ශ්‍රී ලංකා හමුදා බුද්ධි අංශය හා ආගමන හා විගමන දෙපාර්තමේන්තුව එක්ව, ලැබුණු බුද්ධි තොරතුරු මත මෙම වැටලීම සිදු කර ඇත. සැකකරුවන් නවාතැන් ගෙන සිටි ස්ථාන කිහිපයකදී සෝදිසි මෙහෙයුම්ද ක්‍රියාත්මක කර තිබේ.

අත්අඩංගුවට ගත් පුද්ගලයන් අතර චීන ජාතිකයන් 126 දෙනෙකු, මියන්මාර ජාතිකයන් 4 දෙනෙකු සහ තායිවාන ජාතිකයන් 4 දෙනෙකු සිටින අතර, ඔවුන් අන්තර්ජාල වංචා ක්‍රියාකාරකම්වලට සම්බන්ධ බවට සැක කෙරේ.

ඊශ්‍රායල ප්‍රහාරයෙන් ඉරාන නායකයෙකු මරුට

මෙම මෙහෙයුමට භාවිතා කළ බවට සැක කෙරෙන ලැප්ටොප් පරිගණක, ජංගම දුරකථන ඇතුළු තාක්ෂණික උපකරණ විශාල ප්‍රමාණයක් ද බලධාරීන් විසින් සොයාගෙන අත්අඩංගුවට ගෙන ඇත.

අත්අඩංගුවට ගත් සැකකරුවන් සහ සොයාගත් භාණ්ඩ වැඩිදුර පරීක්ෂණ සඳහා ආගමන හා විගමන දෙපාර්තමේන්තුව වෙත භාර දී ඇති අතර, සිද්ධිය සම්බන්ධයෙන් වැඩිදුර විමර්ශන මේ වනවිටත් සිදු වෙමින් පවතී.

ඉන්ධන අර්බුදය හේතුවෙන් දුම්රිය ස්ථානාධිපති සංගමයෙන් රජයට යෝජනාවක්