ඉන්දියාව හා පාකිස්තානයේ පැරණි ගැටුම යළි කරළියට - ''ඉල්ලීම් ප්‍රතික්ෂේප වීමෙන් පාකිස්තාන Legends කණ්ඩායම තරගාවලියෙන් ඉවතට''

ඉන්දීය ක්‍රිකට් ක්‍රීඩකයන්ගෙන් ලිඛිත සමාවක් ඉල්ලා සිටීම ඇතුළු පාකිස්තාන ක්‍රිකට් පාලක මණ්ඩලයේ ඉල්ලීම් සංවිධායකයන් ප්‍රතික්ෂේප කිරීමෙන් පසු, පාකිස්තාන Champions කණ්ඩායම 2026 ලෝක Legends ශූරතා තරගාවලියෙන් ඉවත් වී ඇති බව NDTV පුවත් සේවය වාර්තා කරයි.

එම වාර්තාවට අනුව, පසුගිය වසරේ පැවති තරගාවලියේදී ඉන්දීය කණ්ඩායම පාකිස්තානය සමඟ තරග කිරීම ප්‍රතික්ෂේප කිරීම සම්බන්ධයෙන් සමාව ඉල්ලා සිටිය යුතු බව පාකිස්තාන ක්‍රිකට් පාලක මණ්ඩලය ඉල්ලා තිබේ.

පහල්ගම් ත්‍රස්ත ප්‍රහාරයෙන් පසු දෙරට අතර ඇති වූ නොසන්සුන්කාරී තත්ත්වය හේතුවෙන් ඉන්දීය කණ්ඩායම එම තරගාවලියේදී පාකිස්තානයට එරෙහිව ක්‍රීඩා කිරීම ප්‍රතික්ෂේප කළේය. ඒ අනුව කණ්ඩායම් දෙක අතර පැවැත්වීමට නියමිතව තිබූ මූලික වටයේ තරගය ද අවලංගු විය.

පසුව පැවති අවසන් පූර්ව තරගයට ද ඉන්දීය කණ්ඩායම සහභාගී නොවීම හේතුවෙන් පාකිස්තාන Champions කණ්ඩායමට අවසන් මහා තරගයට පිවිසීමට අවස්ථාව ලැබිණි. කෙසේ වෙතත්, පසුගිය වසරේ සිදුවීම සම්බන්ධයෙන් ඉන්දීය කණ්ඩායම ලිඛිත සමාවක් ඉදිරිපත් කළ යුතු බවට එය කොන්දේසියක් ඉදිරිපත් කර තිබුණි.

සුපිරි ක්‍රිකට් ක්‍රීඩක විරේන්ද්‍ර සෙවාග්ගේ 18 හැවිරිදි පුත්‍රයාට නායකත්ව වගකීමක්

එම ඉල්ලීමට අමතරව, ඉන්දීය ක්‍රීඩකයන් තරගාවලියට සහභාගී නොවීමට තීරණය කළහොත් ඒ සම්බන්ධයෙන් සංවිධායකයන්ට විරෝධයක් නොමැති බවට ද සහතිකයක් ලබාදෙන ලෙස පාකිස්තාන ක්‍රිකට් පාලක මණ්ඩලය ඉල්ලා තිබේ.

කෙසේ වෙතත්, මෙම ඉල්ලීම් ලෝක Legends ශූරතා තරගාවලියේ සංවිධායකයන් ප්‍රතික්ෂේප කර ඇති බව වාර්තාවේ සඳහන් වේ. ඒ අනුව පාකිස්තාන Champions කණ්ඩායම තරගාවලියෙන් ඉවත් වීමට තීරණය කර තිබේ.

කෙසේ වෙතත්, තරගාවලි සංවිධායකයන් ප්‍රකාශ කර ඇත්තේ පාකිස්තාන කණ්ඩායම “අනපේක්ෂිත තත්ත්වයන්” හේතුවෙන් ඉවත් වූ බවයි.

2025 වසරේ පැවති තරගාවලියේදී ද ඉන්දීය Champions කණ්ඩායම පාකිස්තානය සමඟ පැවැත්වීමට නියමිතව තිබූ තරග දෙකකට සහභාගී වීම ප්‍රතික්ෂේප කර තිබුණි.

එම තීරණයට හේතුව ලෙස දෙරට අතර පැවති දේශපාලනික නොසන්සුන්කාරී තත්ත්වය සහ මහජන මතය සැලකිල්ලට ගත් බව සඳහන් විය.

ලෝක කුසලානයේ ශ්‍රී ලංකාව ප්‍රබල කණ්ඩායම් ගොඩකට මැදි වෙයි - සම්පූර්ණ තරග කාලසටහන මෙන්න