ඉන්දියාවයි චීනයයි යළි මිතුරු වෙන්න සූදානමින් - ෂී ජින්පිංගේ සංචාරයට පෙර චීනයෙන් විශේෂ ඉඟියක්

චීන ජනාධිපති ෂී ජින්පිංගේ ඉන්දීය සංචාරයට පැය කිහිපයකට පෙර, ඉන්දියාව සමඟ පවතින මතභේද නිසි ආකාරයෙන් කළමනාකරණය කරමින් ද්විපාර්ශ්වික සබඳතා තවදුරටත් ශක්තිමත් කිරීමට චීනය කටයුතු කරන බව චීනය ප්‍රකාශ කර තිබේ.

ඉන්දියාවේ චීන තානාපති ෂු ෆෙයිහොං සඳහන් කළේ, ඉන්දීය අග්‍රාමාත්‍ය නරේන්ද්‍ර මෝදි සහ චීන ජනාධිපති ෂී ජින්පිංගේ උපායමාර්ගික මඟපෙන්වීම යටතේ දෙරට අතර සබඳතා වර්ධනය කිරීමට චීනය කටයුතු කරන බවයි.

ෂී ජින්පිං ජනාධිපතිවරයා සහ අග්‍රාමාත්‍ය මෝදි අතර ද්විපාර්ශ්වික සාකච්ඡාවක් සංවිධානය කරමින් පවතින බවද තානාපතිවරයා X සමාජ මාධ්‍ය ඔස්සේ ප්‍රකාශ කර තිබේ.

වසර හතකට ආසන්න කාලයකට පසු ෂී ජින්පිං ඉන්දියාවට පැමිණෙන පළමු අවස්ථාව මෙය වන අතර, ඔහු 18 වැනි BRICS සමුළුවට සහභාගී වීම සඳහා ඉන්දියාවට පැමිණෙයි.

ලොවම සලිත කළ 9/11 ප්‍රහාරයට වසර 25යි - ඇමරිකාවේ සහ එංගලන්තයේ දැවැන්ත අනුස්මරණ වැඩසටහන්

ඉන්දියාවේ නවදිල්ලියේදී සැප්තැම්බර් 12 සහ 13 යන දිනවල මෙම සමුළුව පැවැත්වේ. චීන තානාපතිවරයා පවසන්නේ දෙරට අතර සන්නිවේදනය වැඩිදියුණු කිරීම, සහයෝගීතාව ඉහළ නැංවීම සහ පවතින වෙනස්කම් නිසි ලෙස කළමනාකරණය කිරීම කෙරෙහි අවධානය යොමු කරන බවයි.

එමෙන්ම, දෙරට යහපත් අසල්වැසියන් ලෙස මිත්‍රශීලී සබඳතා පවත්වාගෙන යාමටත්, එකිනෙකාගේ සාර්ථකත්වයට සහාය වන හවුල්කරුවන් ලෙස කටයුතු කිරීමටත් චීනය අපේක්ෂා කරන බව ඔහු සඳහන් කර ඇත.

2020 වසරේ ගල්වාන් නිම්නයේදී ඉන්දීය සහ චීන හමුදා අතර ඇති වූ ගැටුමෙන් පසු දෙරට අතර සබඳතා දැඩි ලෙස පිරිහී ගියේය. කෙසේ වෙතත්, පසුගිය කාලය තුළ දෙරට අතර රාජ්‍යතාන්ත්‍රික සබඳතා යම් ප්‍රමාණයකින් යළි උණුසුම් වී තිබේ.

ෂී ජින්පිං සහ නරේන්ද්‍ර මෝදි මීට පෙර කසාන් සහ ටියැන්ජින් නගරවලදී හමුවී තිබූ අතර, මෙවර හමුවත් සමඟ අඛණ්ඩව තෙවැනි වසරකදී ඔවුන් දෙදෙනා අතර සාකච්ඡාවක් පැවැත්වෙනු ඇත.

චීන ජනාධිපතිවරයා සෙනසුරාදා බීජිං නුවරින් ඉන්දියාව බලා පිටත්ව ඇති අතර, ඔහු නවදිල්ලියට ඉන්දීය වේලාවෙන් පස්වරු 12.25ට පමණ ළඟාවීමට නියමිතය. ෂී ජින්පිංගේ දූත පිරිසට චීන කොමියුනිස්ට් පක්ෂයේ දේශපාලන කාර්යාංශයේ ස්ථාවර කමිටු සාමාජික සහ එහි මධ්‍යම කාර්යාල අධ්‍යක්ෂ කායි චී සහ චීන විදේශ අමාත්‍ය වැන්ග් යී ඇතුළත් වෙති.

මෝදි සහ ෂී ජින්පිං අතර ද්විපාර්ශ්වික හමුව අද පස්වරු 5.45ට පැවැත්වීමට නියමිත බව වාර්තා වේ. චීන විදේශ අමාත්‍යාංශ ප්‍රකාශිකා මාවෝ නින්ග් ද මාධ්‍ය හමුවකදී සඳහන් කළේ, දෙරටේ නායකයන්ගේ උපායමාර්ගික මඟපෙන්වීම යටතේ චීනය ඉන්දියාව සමඟ සන්නිවේදනය සහ සහයෝගීතාව වැඩි කරමින්, මතභේද නිසි ලෙස කළමනාකරණය කිරීමට කටයුතු කරන බවයි.

“රෝද මත බලකොටුවක්'' - ලෝකය මවිත කළ පුටින්ගේ බෝම්බ සහ වෙඩි නොවදින සන්නද්ධ රථයත් ඉන්දියාවට