ශ්‍රී ලංකාව වෙනුවෙන් IMF එකෙන් හදිසි ප්‍රකාශයක් - අපි හැමදාම ලංකාව එක්ක ඉන්නවා
ශ්‍රී ලංකාව වෙනුවෙන් කැපවූ විශ්වාසවන්ත සහකරුවෙකු ලෙස ඉදිරියටත් ජාත්‍යන්තර මූල්‍ය අරමුදල සෑම විටම රැඳී සිටින බව ජාත්‍යන්තර මූල්‍ය අරමුදලේ ආසියා පැසිෆික් දෙපාර්තමේන්තුවේ නියෝජ්‍ය අංශ ප්‍රධානී සොනාලි ජේන්-චන්ද්‍රා මහත්මිය අවධාරණය කර තිබේ.
ඇය සදහන් කළේ තායිලන්තයේ බැංකොක් නුවර පැවැත්වෙන ජාත්‍යන්තර මූල්‍ය අරමුදල සහ ලෝක බැංකු සමූහයේ වාර්ෂික හමුවට සමාන්තරව අද (15) පෙරවරුවේ පැවති මාධ්‍ය හමුවකදී ශ්‍රී ලංකාවේ ආර්ථික ප්‍රගතිය පිළිබඳව කරුණු පැහැදිලි කරමිනි .
එමෙන්ම වත්මන් මූල්‍ය වැඩසටහනෙන් පසුව නැවතත් මූල්‍ය හෝ තාක්ෂණික සහාය වැඩසටහනක් ඉල්ලා සිටින්නේද යන්න තීරණය කිරීම ශ්‍රී ලංකා බලධාරීන්ගේ පූර්ණ අයිතියක් බව ද ඇය සදහන් කරයි.
එහිදී මාධ්‍යවේදිනියක් නැගූ ප්‍රශ්නයකට පිළිතුරු දෙමින් ජේන්-චන්ද්‍රා මිය කියා සිටියේ, වත්මන් වැඩසටහන යටතේ ශ්‍රී ලංකාව සැලකිය යුතු ආර්ථික ජයග්‍රහණ රැසක් අත්කර ගෙන තිබෙන බවයි
ජාත්‍යන්තර මූල්‍ය අරමුදලේ ආසියා පැසිෆික් දෙපාර්තමේන්තුවේ නියෝජ්‍ය අංශ ප්‍රධානී සොනාලි ජේන්-චන්ද්‍රා මහත්මිය තව දුරටත් සදහන් කළේ නව මූල්‍ය සම්පාදන වැඩසටහනක්, නිරීක්ෂණ රාමුව යටතේ නිශ්චිත ප්‍රතිපත්ති උපදෙස් ලබා දීම හෝ ධාරිතා සංවර්ධනය (Capacity Development) වැනි ඕනෑම ක්‍රමවේදයක් ඔස්සේ ශ්‍රී ලංකාවට සහාය වීමට ජාත්‍යන්තර මූල්‍ය අරමුදල සූදානමින් සිටින බවයි.
![කොළඹම ඇවිලෙයි - කොල්ලුපිටියේ හා බම්බලපිටියේ දරුණු ගින්නක් [VIDEO]](https://cdn.ibcstack.com/article/5ffbb09b-43c3-410a-a474-114be8b17cb2/26-6acf623c92f11-sm.webp)
!["එතුමා තවම රෝහලේ ඔහුගේ ආරක්ෂාවට ගරු කල යුතුයි" මහින්ද රාජපක්ෂ තවමත් රෝහලේ [VIDEO]](https://cdn.ibcstack.com/article/c5e237b9-be32-4005-b022-6a766d4bf8bb/26-6acf4b1df2657-sm.webp)
![පාර්ලිමේන්තු සභාවාරය ආරම්භ වෙයි [LIVE]](https://cdn.ibcstack.com/article/40fc6fe0-5b75-42e2-92c4-060f65a4e7b3/26-6ac8693343fbe-sm.webp)
![ශිරන්ති රාජපක්ෂ කියන්නේ අපේ පක්‍ෂයේ සාමාජිකයෙක් නෙමෙයි.. ශ්‍රී ලංකා පොදුජන පෙරමුණේ මහ ලේකම්ගෙන් ප්‍රසිද්ධියේ ප්‍රකාශයක් [VIDEO]](https://cdn.ibcstack.com/article/1303fc76-e223-465c-98ab-f12db024e7f3/26-6ac7a6e7d721a-sm.webp)
![නියෝජ්‍ය කථානායකගේ ප්‍රධානත්වයෙන් පාර්ලිමේන්තුව රැස්වෙයි -අද විශේෂ විවාදය මෙන්න [LIVE]](https://cdn.ibcstack.com/article/d8fdde67-389a-4e29-8e21-86d0d93b3d3b/26-6ac716c3934e1-sm.webp)
