චීනයෙන් නවසීලන්ත මන්ත්‍රීවරුන්ට ඉතිහාසයේ පළමු වතාවට සංචාරක තහනමක් පනවයි

තායිවානයේ නිල සංචාරයක නිරත වූ නවසීලන්ත මන්ත්‍රීවරුන් සිව්දෙනෙකුට චීනය, හොංකොං සහ මකාවෝ වෙත ඇතුළුවීම වසරක කාලයක් සඳහා තහනම් කර ඇති බව වාර්තා වේ.

මෙම තහනමට ලක්ව ඇත්තේ Laura McClure, Duncan Webb, Maureen Pugh සහ David Wilson යන විවිධ දේශපාලන පක්ෂ නියෝජනය කරන නවසීලන්ත පාර්ලිමේන්තු මන්ත්‍රීවරුන්ය.

ඔවුන් පසුගිය මැයි මාසයේදී දින පහක නිල සංචාරයක් සඳහා තායිවාන වෙත ගොස් ඇති අතර, එහිදී තායිවානයේ උප ජනාධිපතිනිය වන Hsiao Bi-khim ඇතුළු ජ්‍යෙෂ්ඨ රාජ්‍ය නිලධාරීන් හමුවී සාකච්ඡා පවත්වා තිබේ.

මැදපෙරදිග යුද්ධයේ දරුණුතම බැටය ලංකාවට, ඇෆ්ගනිස්තානයට සහ සෝමාලියාවට - ලෝක ආහාර වැඩසටහනෙන් භයානක අනාවරණයක්

මෙම සංචාරය සම්බන්ධයෙන් ප්‍රතිචාර දක්වමින්, චීනය පවසන්නේ එය තම අභ්‍යන්තර කටයුතුවලට මැදිහත්වීමක් වන අතර, තායිවාන බෙදුම්වාදී බලවේග සමඟ සහයෝගයෙන් කටයුතු කිරීමක් ලෙස සලකන බවයි.

ඒ අනුව, අදාළ මන්ත්‍රීවරුන්ට චීනය, හොංකොං සහ මකාවෝ වෙත ඇතුළුවීම වසරක කාලයක් සඳහා තහනම් කිරීමට බීජිනය තීරණය කර ඇත.

වාර්තා අනුව, නවසීලන්ත පාර්ලිමේන්තු මන්ත්‍රීවරුන්ට එරෙහිව චීනය මෙවැනි සංචාරක තහනමක් පැනවූ පළමු අවස්ථාව මෙය වන අතර, එය චීන - තායිවාන සබඳතා සම්බන්ධ සංවේදීභාවය නැවතත් අවධාරණය කරන සිදුවීමක් ලෙස සැලකේ.

බොලිවුඩයම හොල්ලන නැෂනල් ක්‍රෂ් රශ්මිකා මන්දනාගේ අලුත්ම ක්ලික්ස්

ජාත්‍යන්තර අභ්‍යවකාශ මධ්‍යස්ථානයේ ගගනගාමීන්ට නාසා ආයතනයෙන් හදිසි දැනුම්දීමක්