දකුණේ දැවැන්ත භූගත ජල මූලාශ්‍රයක් හමුවෙයි

ජාතික ජලසම්පත් හා ජලාප්‍රවාහන මණ්ඩලය විසින් පිටබැද්දර පොලිස් ස්ථානය ආසන්නයේ සිදු කළ නළ ළිං කැනීමකදී මෙරට විශාලතම භූගත ජල මූලාශ්‍රය සොයාගැනීමට හැකි වී තිබේ.

දකුණු පළාත භාර භූ විද්‍යාඥ ඉන්ද්‍රජිත් ගමගේ මහතා පවසා සිටියේ, මෙම ජල මූලාශ්‍රයෙන් විනාඩියකට ලීටර් 10,000ක (ඝන මීටර් 10) අඛණ්ඩ ජල ගලනයක් සිදු වන බවත්, මෙවැනි විශාලතම ජල මූලාශ්‍රය සොයාගත් පළමු අවස්ථාව මෙය බවත්ය.

මීට පෙර මෙවැනි විශාලතම ජල මූලාශ්‍රය සොයාගැනීම සිදු වී ඇත්තේ මඩු ප්‍රදේශයෙන් වන අතර, එහිදී විනාඩියකට ලීටර් 7,000ක ජල ගලනයක් වාර්තා වී තිබුණි.

මෙම නළ ළිඳ කැනීම සඳහා පාෂාණ ස්ථර පිළිබඳ අධ්‍යයනය කර, ස්ථර පැලුම් හරහා භූගත ජලය ඇති ස්ථාන හඳුනාගෙන, තාක්ෂණික මෙවලම් භාවිතයෙන් ක්‍රියාත්මක වී ඇති බව ජල මණ්ඩලය සඳහන් කරයි.

දුමින්ද සිල්වාගෙන් ප්‍රකාශයක් ලබා ගැනීමට අල්ලස් කොමිසමට අවසර

ජාතික ජලසම්පත් හා ජලාප්‍රවාහන මණ්ඩලය පවසන පරිදි, මෙම ජල මූලාශ්‍රය භාවිතයට ගෙන ඉදිරියේදී පිටබැද්දර, මොරවක හා අවට තදාසන්න ප්‍රදේශවල ජල හිඟයෙන් පෙළෙන ජනතාවට ජලය බෙදාහැරීමට කටයුතු කරනු ඇත.

මෙම සොයාගැනීම මගින් දකුණු පළාතේ ජල සැපයුම් ගැටලුවලට ස්ථිර විසඳුමක් ලැබීමේ ඉඩකඩ තීව්‍ර වී ඇති බව විශේෂඥයෝ පෙන්වා දෙති.

බහුදින යාත්‍රා ජාවාරමේ තොරතුරු හෙළි වෙයි

නඩු කටයුතු අවසන් වූ මත් ද්‍රව්‍ය තොගයක් විනාශ කිරීම අද