ප්රධාන ජලාශ 73න් 42ක් වාන් දමයි
Gagana News
ඇද හැලෙන අධික වැසි හමුවේ වාරිමාර්ග දෙපාර්තමේන්තුව මඟින් පාලනය වන ප්රධාන ජලාශ රැසක 73න් ජලාශ 42ක් අද (12) උදෑසන 07.00 වන විට වාන් දමමින් පවතින බව වාරිමාර්ග දෙපාර්තමේන්තුව ප්‍රකාශ කරයි.
ඒ අනුව අම්පාර දිස්ත්‍රික්කයේ ප්රධාන ජලාශ 7ක්, අනුරාධපුර දිස්ත්‍රික්කයේ ප්රධාන ජලාශ 06ක්, බදුල්ල දිස්ත්‍රික්කයේ ප්රධාන ජලාශ 05ක්, පොළොන්නරු දිස්ත්‍රික්කයේ ජලාශ 03ක් සහ ත්‍රිකුණාමල දිස්ත්‍රික්කයේ ජලාශ 03ක වශයෙන් මුළු ජලාශ 42ක් වාන් දමමින් පවතින බවය.
මෙම වාන් දමන ජලාශ අතරට මින්නේරිය, කවුඩුල්ල, කන්තලේ, රාජාංගන, ලුණුගම්වෙහෙර ජලාශ මෙන්ම සේනානායක සමුද්‍රය සහ පරාක්‍රම සමුද්‍රය ද ඇතුළත් බවත් එම දෙපාර්තමේන්තුව සඳහන් කරයි.
එමෙන්ම දැනට පවතින ජලාශ ප්‍රමාණය අනුව වාරිමාර්ග දෙපාර්තමේන්තුව සතුව පාලනය වන ජලාශවල ගබඩා කරගත හැකි මුළු ජල ධාරිතාවෙන් 93%ක් පමණ මේ වන විට ගබඩා කර ගැනීමටද හැකියාව ලැබී ඇති බවත් එම දෙපාර්තමේන්තුවේ වාරිමාර්ග ජල කළමනාකරණ අධ්‍යක්ෂ එච්.එම්.පී.එස්.බී. හේරත් මහතා පැවසීය.
