තත්ත්වය නරක අතට - 5000ක් පීඩනයට

ආපදා කළමණාකරණ මධ්‍යස්ථානය පවසන්නේ පවතින අධික වැසි සහිත කාලගුණික තත්ත්වය හේතුවෙන් දිස්ත්‍රික්ක 03ක පුද්ගලයින් 500කට අධික පිරිසක් බලපෑමට ලක්ව ඇති බවයි.

ආපදා කළමණාකරණ මධ්‍යස්ථානයේ අධ්‍යක්ෂ ප්‍රදීප් කොඩිප්පිලි මහතා අවධාරණය කර ඇත්තේ අයහපත් කාලගුණයෙන් සිදු වූ අනතුරුවලින් නිවාස 101කට අර්ධ හානි සිදුව ඇති අතර මේ වන විට පුද්ගලයින් දෙදෙනෙකු මියගොස් ඇති බවයි.

ආරක්ෂක ඇමති සියල්ල හෙළි කරයි - පාතාලෙට සම්බන්ධ දේශපාලකයෝ සෙට් එකක් ඉන්නවා

එමෙන්ම ගතවු පැය 12ක කාලය තුළ ගාල්ල දිස්ත්‍රික්කයට බලපෑ ක්ෂණික ගංවතුර තත්ත්වය හේතුවෙන් පුද්ගලයින් 73 දෙනෙකු පීඩාවට පත්ව ඇති බවත් වාර්තා වේ.

වාරිමාර්ග දෙපාර්තමේන්තුව සදහන් කර ඇත්තේ ගත වූ දින කිහිපයේ ඇති වූ අධික වර්ෂාපතනය හේතුවෙන් දිවයින පුරා ඇති ගංගා රැසක ජල මට්ටම් ඉහළ ගොස් ඇති බවයි.

එමෙන්ම කැළණි, කළු සහ අත්තනගලු ඔය යන ගංගාවල ද ජල මට්ටම් ඉහළ යමින් පවතින බව විද්‍යා හා ආපදා කළමණාකරණ අංශයේ අධ්‍යක්ෂ එල්.එස් සූරිය බණ්ඩාර මහතා පවසයි.

දැක්ක මිනිස්සුත් හොල්මන් - සුදු කෙල්ලෝ දෙන්නා ස්ටේෂන් එක මැද්දේ කරපු දේ

මේ අතර අද උදෑසන 6.00න් අවසන් වු පැය 12ක කාලය තුළ දිවයිනේ වැඩිම වර්ෂාපතනය කඩුගන්නාව ප්‍රදේශයෙන් වාර්තා වන බව කාලගුණ විද්‍යා දෙපාර්තමේන්තුව පවසයි.

මිලිමීටර් 169ක වර්ෂාපතනයක් මෙලෙස වාර්තා වී ඇති අතර යටිනුවර ප්‍රාදේශීය ලේකම් කොට්ඨාසයට මිලිමීටර් 158කත්, රිදීගම ප්‍රාදේශීය ලේකම් කොට්ඨාසයට මිලිමීටර් 145ක වර්ෂාපතනයක් ද පැවති බව සඳහන් වේ.

වැඩිදුරටත් කාලගුණ විද්‍යා දෙපාර්තමේන්තුවේ කාර්යයේ නියුතු කාලගුණ විද්‍යාඥ පබෝදිනි කරුණාපාල මහත්මිය පැවසුවේ අද දිනයේත් බස්නාහිර, සබරගමුව, මධ්‍යම, ඌව, වයඹ, උතුරු සහ දකුණු පළාත්වල ඇතැම් ස්ථානවලට මිලිමීටර් 100 ඉක්මවු තද වැසි ඇති විය හැකි බවයි. 

කැලණිවැලි දුම්රිය මාර්ගයේ දුම්රිය පීලිපැනීමක්