ආච්චී සහ සීයා ඝාතනය කළ මුණුපුරා

පුත්තලම දිස්ත්‍රික්කයේ සාලියවැව පොලිස් බල ප්‍රදේශයේ දුනුමඩලාව ප්‍රදේශයේ දී සිය ආච්චී (76 අවුරුදු) සහ සීයා (80අවුරුදු)නිවස තුලදීම සිය මුණුපුරා(24 අවුරුදු) විසින් කපා කොටා ඝාතනය කර තිබේ.

අද දහවල් 12 ට පමණ සීයා සහ ආච්චි කපාකොටා ඝාතනය කිරීමට හේතුව බවට පොලීසිය සැක පලකරන්නේ කිසියම් මුදලක් ඉල්ලා එය නොදුන් නිසාවෙන් මෙම අපරාධය කරන්නට ඇති බවයි.

වට්සැප් යම් බිඳවැටීමක්...

සැකකරු මෙලෙස සීයා සහ ආච්චී තියුනු ආයුධයකින් කපා කොටා යාබද වෙලද සැලකට ගොස් තිබෙනවා. ඉන් පසු සාලියවැව පොලීසිය සහ ප්‍රදේශවාසින් එක්ව සැකකරු අල්ලාගෙන ඇත.

සැකකරු සහ මියගිය ආච්චි සීයා යන තිදෙනා එකම නිවසේ වාසය කර ඇති අතර මෙලෙස මියගියේ ටී එම් මැනික් රාල සහ ටී එම් සුමනාවතී යන දෙදෙනායි.

සැකකරු සාලියවැව පොලීසිය විසින් අත් අඩංගුවට ගෙන හෙට දින පුත්තලම මහේත්‍රාත් අධිකරණයට ඉදිරිපත් කිරීමට නියමිත අතර දේහය පිලිබද ස්ථානීය පරීක්ෂණය පුත්තලම වැඩබලන මහේස්ත්‍රාත්වරයා සිදුකල අතර පස්චාත් මරණ පරීක්ෂණය පුත්තලම මූලික රෝහලේ දී සිදු කිරීමට නියමිතයි.