උෂ්ණත්වය ඉහළ යාම ගැන රතු එළියක්..සෙල්සියස් අංශක 54 ඉක්මවයි?..

ගෝලීය උෂ්ණත්වය ඉහළ යාමේ තර්ජනයේ නව උදාහරණය ලෙස, ඇමෙරිකාව, යුරෝපය සහ ජපානයේ වාර්තාගත උෂ්ණත්වයක් පුරෝකතනය කර තිබෙනවා.

ඒ අනුව, පෘථිවියේ උණුසුම්ම ස්ථානවලින් එකක් වන කැලිෆෝනියාවේ ඩෙත් නිම්නයේ කඳු මුදුන්වල උෂ්ණත්වය සෙල්සියස් අංශක 54 දක්වා ඉහළ යා හැකි බවයි විදෙස් මාධ්‍ය වාර්තා පවසන්නේ.

අධික උෂ්ණත්වය පවතින යුරෝපයේ, රෝමය, බොලොග්නා සහ ෆ්ලෝරන්ස් ඇතුළු නගර 16 ක් සඳහා සෞඛ්‍ය අමාත්‍යාංශය රතු අනතුරු ඇඟවීමක් නිකුත් කර තිබේ.

මෙහිදී රෝමයේ උෂ්ණත්වය හෙට සෙල්සියස් අංශක 40 දක්වා සහ අනිද්දා සෙල්සියස් අංශක 43 දක්වා ඉහළ යා හැකි බවට පුරෝකතනය කර ඇත.

ඒ අනුව, 2007 වසරේ අගෝස්තු මාසයේදී පිහිටුවන ලද සෙල්සියස් අංශක 40.5 වාර්තාව බිඳ හෙලීමට ඉඩ තිබෙනවා.

සිසිලි සහ සාඩීනියා දූපත් සෙල්සියස් අංශක 48 ක උෂ්ණත්වයක් වාර්තා විය හැකි බව යුරෝපීය අභ්‍යවකාශ ඒජන්සිය අනතුරු ඇඟවා ඇති අතර, එය යුරෝපයේ මෙතෙක් වාර්තා වූ ඉහළම උෂ්ණත්වය විය හැකියි.

ග්‍රීසියේ ප්‍රමුඛතම සංචාරක ආකර්ෂණයක් වන ඇතැන්ස් ඇක්‍රොපොලිස් ධාවන කටයුතු අධික උෂ්ණත්වය හේතුවෙන් නවතා තිබෙනවා.

ප්‍රංශයේ අධික උෂ්ණත්වයේ ප්‍රතිඵලයක් ලෙස ඇතිවූ නියඟයෙන් වැඩිම තර්ජනය කෘෂිකර්මාන්තයට එල්ලවී ඇත.

නැගෙනහිර ජපානයේ සමහර ප්‍රදේශවල උෂ්ණත්වය සෙල්සියස් අංශක 39 දක්වා ළඟා වනු ඇතැයි අපේක්ෂා කරනවා.

එමෙන්ම, මොරොක්කෝවේ සමහර පළාත්වල උෂ්ණත්වය සෙල්සියස් අංශක 47 ක ඉහළ යා හැකි බව විදෙස් වාර්තා වැඩිදුරටත් තහවුරු කළා.