කොල්ලට ගහලා කෙල්ලව උස්සන් ගිහින් (VIDEO)

තෙලිප්පෙලෙ පොලිස් බල ප්‍රදේශයේ ඉලවාලෛ හන්දියේ දී තරුණියක් පැහැරගෙන ගොස්, ඇයගේ ස්වාමිපුරුෂයාට කිසියම් පිරිසක් විසින් පහර දී තිබෙනවා.

මෙම සිදුවීම ඊයේ (21) සිදු ව ඇති අතර පහරකෑමට ලක් වූ තරුණයා වයස අවුරුදු 22ක් වන පූනගරි - ගෞතාරිමුනි ප්‍රදේශයේ පදිංචිකරුවෙක්.

තරුණයා මේ වනවිට (මැයි 22) තෙලිප්පලෛ රෝහලේ ප්‍රතිකාර ලබනවා.

"අනේ සිකියුරිටි අංකල් මාව බේරගන්න" - අම්ශිකා දැරියගේ නඩුවේ සාක්ෂි කැදවයි

පැහැරගැනීමට ලක් වූ 22 හැවිරිදි තරුණිය මීට මාස දෙකකට පමණ පෙර පහරකෑමට ලක් වූ තරුණයා සමග විවාහ වී ඇති බවත්, ඊට තරුණියගේ පාර්ශ්වයෙන් කිසිදු අවසරයක් ලැබී නොමැති බවයි.

හොර රහසේ විවාහ වී ඇති මොවුන් දෙදෙනා පසුව ඔවුනොවුන්ගේ නිවෙස්වලින් වෙන් ව ජීවත් ව තිබෙනවා. ඉන්පසුව තරුණියගේ පාර්ශ්වය විසින් ඉලවාලෛ පොලිසියට නිවැසියන්ගේ කැමැත්තකින් තොරව විවාහ වූ බවට පැමිණිල්ලක් ගොනු කර ඇති අතර ඒ පිළිබඳ ව කළ විමර්ශනවල දී පොලිසිය දැනුම්දී ඇත්තේ දෙදෙනාට ම වයස අවුරුදු 18ට වැඩි බැවින් එය නීත්‍යනුකූල විවාහයක් බවයි.

දික්කසාද වෙනවනම් ලක්ෂ එකසිය පනහක් නඩත්තු වියදම් ඕනේ..

ඉන් සෑහීමට පත් නොවූ තරුණියගේ පාර්ශ්වයෙන් මල්ලාගම් අධිකරණයේ ද සිවිල් නඩුවක් තරුණයාට එරෙහිව ගොනු කර තිබුණා.

නමුත් අධිකරණය ද තීන්දු කර තිබුණේ දෙදෙනාගේ ම වයස අවුරුදු 18 ඉක්මවා ඇති බැවින් ඔවුන්ට විවාහ වීමේ අයිතියක් දෙදෙනාගේ ම කැමැත්තෙන් ඇති බවයි.

ඉන් අනතුරුව ඊයේ දිනයේ දී තරුණියගේ සහෝදරයා ඇතුළු කණ්ඩායමක් පැමිණ තරුණියගේ ස්වාමිපුරුෂයා වන තරුණයාට පහර දී තරුණියව පැහැරගෙන ගොස් ඇති බවට තෙලිප්පලෛ පොලිසියට පැමිණිල්ලක් ලැබී ඇති අතර ඒ සම්බන්ධයෙන් විමර්ශන ආරම්භ කර තිබෙනවා.

පැහැරගැනීමට ලක් ව ඇති තරුණිය යාපනය - පන්ඩත්තරිප්පු ප්‍රදේශයේ පදිංචිකාරිණියක්. පහරකෑමට ලක් වූ තරුණයා තෙල්ලිපලෙයි රෝහලේ ප්‍රතිකාර ලබනවා.