''පරාජයට වගකිව යුත්තේ විනිසුරුවන් නොව මුළු කණ්ඩායමයි” – ජර්මානු නායකයාගෙන් දැඩි ප්‍රකාශයක්

FIFA ලෝක කුසලාන 2026 තරගාවලියේ අවසන් 32 වටයේදී පැරගුවේ කණ්ඩායම හමුවේ දඬුවම් පහර මත පරාජය වීමත් සමඟ ජර්මනියට තවත් දැඩි පසුබෑමක් අත්වී තිබෙනවා.

මෙම පරාජයත් සමඟ ජර්මනිය තෙවැනි වරටත් අඛණ්ඩව ලෝක කුසලාන තරගාවලියක අවසන් 16 දෙනාගේ වටයට පිවිසීමට අපොහොසත් විය. තරගයෙන් පසු මාධ්‍ය හමුවේ අදහස් දක්වූ ජර්මන් නායක ජෝෂුවා කිමිච්, පරාජයට විනිසුරුවරුන් හෝ VAR තීරණ වගකිව යුතු බවට චෝදනා කිරීම ප්‍රතික්ෂේප කළේය.

තරගය 120 මිනිත්තු තුළම ජයගත නොහැකි වීමම පරාජයට හේතුව බව ඔහු අවධාරණය කළා.

ජර්මන් ආරක්ෂක ක්‍රීඩක ජොනතන් ටාගේ අමතර කාලයේ හිස පහරක් VAR මගින් අවලංගු වීම සම්බන්ධයෙන් විවාදයක් පැවතුනද, කිමිච් කියා සිටියේ එවැනි තීරණ මත රඳා නොසිට කණ්ඩායම තරගය ජයගත යුතුව තිබූ බවයි.

ප්‍රබල ජර්මනියේ ලෝක කුසලාන සිහිනය පැරගුවේ හමුවේ බිඳ වැටෙයි

“අපි 120 මිනිත්තු තුළ ජයගත නොහැකි නම්, අපිට පරාජය ලැබීම සාධාරණයි. විනිසුරුවරුන් හෝ දඬුවම් පහර තරඟය ගැන කතා කිරීමෙන් ප්‍රයෝජනයක් නැහැ,” ඔහු සඳහන් කළා.

ජර්මනිය මීට පෙර කටාර් ලෝක කුසලානයේද පළමු වටයෙන්ම ඉවත් වූ අතර, මෙම පරාජයත් සමඟ අඛණ්ඩව තරගාවලි දෙකකදී දැඩි පසුබෑමකට ලක්ව ඇත.

එය “අතිශය දුකදායක” අවස්ථාවක් බවද කිමිච් සඳහන් කළේය. ජර්මන් ජාතික කණ්ඩායම ඉතිහාසයේ නිතරම අවසන් වටයන්ට සහ සෙමිෆයිනල් දක්වා පැමිණි බව සිහිපත් කළ ඔහු, පසුගිය වසර අටක කාලය තුළ අසාර්ථකත්වයන් නැවත නැවතත් සිදුවීම ගැන දැඩි කණගාටුව ප්‍රකාශ කළේය. 

ජපානයේ සියලු හදවත් බිඳ දමමින් බ්‍රසීලය පස් වෙනි වතාවටත් ශූරයන් වෙයි - සුපිරි ජයක්