විශේෂ නීතියක් - ප්‍රසිද්ධ සංගීත ප්‍රසංගවල මත්පැන් භාවිතය තනහනම් හේතුව මෙන්න

යුරෝපා කලාපයට බලපා ඇති දැඩි උෂ්ණාධික කාලගුණ තත්ත්වය සෘජුවම සැළකිල්ලට ගනිමින් එරට පුරා පැවැත්වෙන ප්‍රසිද්ධ සංගීත ප්‍රසංගවල මත්පැන් භාවිතය සීමා කිරීමට හෝ තාවකාලිකව සම්පූර්ණයෙන්ම තහනම් කිරීමට ප්‍රංශ රජය හදිසි පියවර ගෙන තිබේ.

සෑම වසරකම ගිම්හාන සමයේ දී ප්‍රංශයේ ප්‍රධාන වීථී පුරා මිලියන ගණනක දේශීය හා විදේශීය ජනතාවගේ සක්‍රීය සහභාගීත්වයෙන් අතිඋත්කර්ෂවත් අන්දමින් පැවැත්වෙන සාම්ප්‍රදායික වාර්ෂික සංගීත සන්දර්ශන මෙම දිනවල සංවිධානය කර ඇති බවයි විදෙස් මාධ්‍ය වාර්තා සෘජුවම සඳහන් කරන්නේ.

ප්‍රසංග වේදිකාවේ අතිශය ජනප්‍රිය ආක්ෂා චමුදි ගෙනාපු සුපිරි වණ්ඩිය මෙන්න

කෙසේ වෙතත් වර්තමානයේ ප්‍රංශයේ ප්‍රදේශ රැසකට දැඩි ලෙස බලපා ඇති අසාමාන්‍ය උෂ්ණාධික කාලගුණ තත්ත්වය හේතුවෙන් මහජන සෞඛ්‍ය සුරක්ෂිත කිරීම වෙනුවෙන් එරට රජය විසින් පොදු ස්ථානවල මත්පැන් භාවිතය සම්පූර්ණයෙන්ම තහනම් කිරීම ඇතුළු විශේෂ සෞඛ්‍ය කොන්දේසි කිහිපයක් රටටම බලපැවැත්වෙන පරිදි ප්‍රකාශයට පත්කර ඇත.

මේ අතර මේ වන විට ප්‍රංශයේ බොහෝ ප්‍රදේශවල දෛනික වායුගෝලීය උෂ්ණත්වය සෙල්සියස් අංශක 39 ත් 40 ත් අතර ඉහළ අගයක පවතින අතර එම දරුණු තත්ත්වය ඉදිරි දිනවලදී තවදුරටත් ඉහළ යා හැකි බවට එරට කාලගුණ විද්‍යා විශේෂඥයින් නිල වශයෙන් අනතුරු අඟවා තිබේ.

බස් වල ගමන් කරන මගීන්ට විශේෂ නිවේදනයක් - බස්ගාස්තු සංශෝධනය ගැන දැනුම්දීමක්

මීට අමතරව අසල්වැසි ජර්මනිය සහ ස්පාඤ්ඤය යන රටවල් ද සිය කලාපයන්හි උෂ්ණත්වය ශීඝ්‍රයෙන් ඉහළ යාම දැඩිව සැළකිල්ලට ගනිමින් එරට වෙසෙන සමස්ත ජනතාව වෙත හදිසි ආපදා සහ සෞඛ්‍ය අනතුරු ඇඟවීම් නිකුත් කර ඇති බව ද විදෙස් මාධ්‍ය වාර්තා වැඩිදුරටත් සලකා දක්වයි.