මීට කලින් තිබුණු ඕනෑම රජයකට වඩා, මේ රජය දහස් ගුණයක් හොඳයි - සරත් ෆොන්සේකා

අඩුපාඩු තිබුණද,වත්මන් රජය පෙර පැවති රජයයන්ට වඩා දහස් ගුණයකින් හොඳ බව හිටපු පාර්ලිමේන්තු මන්ත්‍රී ෆීල්ඩ් මාර්ෂල් සරත් ෆොන්සේකා පවසනවා.

ඒ අනුව, දූෂිතයන් ආරක්ෂා නොකර සිටීම සඳහා වත්මන් රජයට ‘කොන්ද පණ ඇති’ බවයි උත්සවයක් අමතමින් හිටපු පාර්ලිමේන්තු මන්ත්‍රීවරයා සඳහන් කළේය.

මින් පෙර, ඕනෑම ‘හොරෙකුට’ ඕනෑම සොරකමක් සිදුකර, සල්ලි ඇත්නම් හෝ මැර බලය ඇත්නම් ‘පස්සා දොරෙන් රිංගා’ බේරී යෑමට හැකියාව තිබුණු බවද, එහෙත් වත්මන් ආණ්ඩුව විසින් ‘පස්සා දොරෙන්’ පැමිණ, වංචාකාරයන්ට බේරීමට තිබෙන අවස්ථාව අවහිර කර ඇති බවද ඔහු පෙන්වා දෙයි.

මහින්ද 2005 ජනපති වෙන්න දිනන්න එල්ටීටීඊයට ඩොලර් මිලියන 2ක් දුන්නා - සරත් ෆොන්සේකා

පවතින දූෂිත ජාලය ජාත්‍යන්තර වශයෙනුත් ඉදිරියට ගෙන ගොස් පාලනය කරන්නේ රාජපක්ෂවරුන් බවත්, අයියලා, මල්ලිලා, තාත්තලා, බාප්පලා, පුත්තු ඔක්කොම එකතු වී මේ දූෂිත ජාලය සම්පූර්ණයෙන් පාලනය කරන බවත් ඔහු ප්‍රකාශ කළා.

මේ දූෂිතයන්ට මෙය රස වැටුණු පසු, ‘කොටියාට ලේ රහ වැටුණා’ මෙන් බවත්, හිර ගෙවල් දහසක දැම්මද ඔවුන් එය අත් නොහරින බවයි හිටපු පාර්ලිමේන්තු මන්ත්‍රී ෆීල්ඩ් මාර්ෂල් සරත් ෆොන්සේකා වැඩිදුරටත් ප්‍රකාශ කර සිටියේය.

පාසල් වැසෙයිද? ගුරු සංගමයෙන් දරුණු අරගලයකට සූදානම්