ඉන්දියාවේ අපරාධ කල්ලියක ප්‍රබලයෙකු සොයා FBI මෙහෙයුමක් - ඩොලර් මිලියනයක ත්‍යාගයක්

ඉන්දියාවේ සංවිධානාත්මක අපරාධ කණ්ඩායමක් සමඟ සම්බන්ධ බවට චෝදනා එල්ල වී ඇති ගෝල්ඩි බ්‍රාර් හෙවත් සතින්දර්ජීත් සිං අත්අඩංගුවට ගැනීමට හේතු වන තොරතුරු ලබාදෙන පුද්ගලයෙකුට ඇමරිකානු විමර්ශන කාර්යාංශය (FBI) ඩොලර් මිලියනයක ත්‍යාගයක් ප්‍රකාශයට පත් කර තිබේ.

ලොස් ඇන්ජලීස් ඇමරිකානු විමර්ශන කාර්යාලය විසින් ඊයේ මෙම ත්‍යාගය සම්බන්ධයෙන් නිල නිවේදනයක් නිකුත් කර ඇත.

ඇමරිකානු විමර්ශන කාර්යාංශය නිලධාරී පැට්‍රික් ග්‍රැන්ඩි පවසා ඇත්තේ ගෝල්ඩි බ්‍රාර් ඉතා භයානක පුද්ගලයෙකු ලෙස සැලකෙන අතර ඔහු අත්අඩංගුවට ගැනීම ඇමරිකානු විමර්ශන කාර්යාංශයහි ප්‍රමුඛතා අතර පවතින බවයි.   

ඇමරිකානු විමර්ශන කාර්යාංශය ආයතනය පවසන්නේ ඉන්දියාවේ ක්‍රියාත්මක ලෝරන්ස් බිෂ්නෝයි කල්ලිය ජාත්‍යන්තර මට්ටමින්ද ක්‍රියාත්මක වන අතර, ගෝල්ඩි බ්‍රාර් එහි උතුරු ඇමරිකානු මෙහෙයුම් මෙහෙයවන බවට චෝදනා එල්ල වී ඇති බවයි.  

අඩුයි කිව්වට මෙච්චර අඩුයි කියලා කවුද හිතුවේ - අද පොරකකා ගන්න එන රන් මිල ගණන්

මිනීමැරුම්, පැහැරගැනීම්, මංකොල්ලකෑම්, ආයුධ සහ මත්ද්‍රව්‍ය ජාවාරම් ඇතුළු අපරාධ ක්‍රියාකාරකම් රැසකට ඔහු සම්බන්ධ බවට එක්සත් ජනපදය සහ කැනඩාව තුළ චෝදනා එල්ල වී තිබේ.

මේ සම්බන්ධයෙන් ලොස් ඇන්ජලීස්හි ෆෙඩරල් අධිකරණය හමුවේ ගෝල්ඩි බ්‍රාර්ට එරෙහිව බරපතළ චෝදනා කිහිපයක් ගොනු කර ඇති බවද වාර්තා වේ.

2023 වසරේ කැනඩාවේදී සික් බෙදුම්වාදී නායක හර්දීප් සිං නිජ්ජාර් ඝාතනය කිරීම සම්බන්ධයෙන්ද ගෝල්ඩි බ්‍රාර්ට චෝදනා එල්ල වී ඇති අතර, ඒ සම්බන්ධයෙන් ලෝරන්ස් බිෂ්නෝයිගේ නමද සඳහන් වී තිබේ.

ගෝල්ඩි බ්‍රාර් පිළිබඳ තොරතුරු ලබාදීම සඳහා මීට පෙර ඩොලර් 50,000ක ත්‍යාගයක් ප්‍රකාශයට පත් කර තිබූ අතර, එම මුදල මේ වන විට ඩොලර් මිලියනය දක්වා ඉහළ නංවා තිබේ.

පන්ජාබ් ප්‍රදේශයෙන් පැමිණි ගෝල්ඩි බ්‍රාර් ඉන්දියාවේ සහ කැනඩාවේ ආරක්ෂක හා බුද්ධි අංශ විසින්ද සොයමින් සිටින පුද්ගලයෙකු ලෙස වාර්තා වේ.  

අර්චුනාට වැඩ වරදී - අර්චුනා ඇතුළු 6 දෙනෙකුට අධිකරණයෙන් නියෝග

ශ්‍රී ලංකාවේ ඉන්ධන මිල සංශෝධනයක් - දැනට තියෙන ඉන්ධන මිල අඩුම මිලටත් වඩා අඩුවෙන් තියෙන්නේ - රජයට විශේෂ ඉල්ලීමක්