කෝදුවෙන් මැන මැන ලූණු ගන්න බෑ ගොවීන්ගෙන් දැඩි විරෝධයක්

ලොකු ලූනු මිල දී ගැනීමට රජය හඳුන්වා දී ඇති නිර්ණායකයන්වලට ගොවි සංවිධාන ඇතුලු පාර්ශ්ව රැසක් චෝදනා එල්ල කර ඇත. ආනයනික ලොකු ලූනු අලෙවි කරගැනීමට ඉඩදීම සඳහා රජය විසින් මෙම ක්‍රියාමාර්ගය ගෙන ඇති බව ගොවීන් චෝදනා කරයි.

ලංකා සතොස හරහා ලොකු ලූනු මිලදී ගැනීමේ වැඩසටහනක් ආරම්භ කර ඇති නමුත් මේ වනවිටත් ලූණු ගොවියන් පීඩා විදින තත්ත්වයක් දක්නට ලැබේ. එම වැඩසටහනට අනුව රජය ලොකු ලූනු මිලදී ගැනීමේදී කොන්දේසි 17ක් ද පනවා ඇත.

මීට පස්සේ ලොකු ලූනු ගන්නේ මෙහෙමයි - රජයෙන් දාපු කොන්දේසි 17ක් මෙන්න

එබැවින් රජය මිලදී ගන්නා ලොකු ලූනු ගෙඩියක විෂ්කම්භය විය යුත්තේ මිලිමීටර් 35 - 65ක් බව පවසයි.

එසේම විෂ්කම්භය මිලිමීටර් 65ට වැඩි සහ මිලිමීටර් 35ට අඩු ලොකු ලූනු තොග මිලදි ගැනීමේදී ද කොන්දේසි පනවා ඇත. ඒ අනුව එම ලූනු මුළු තොගයේ බරින් සියයට දහය නොඉක්ම විය යුතු වේ.

මේ අතර මිලදී ගැනීමේ ප්‍රමිතියට අනුව ලොකු ලූනු කිලෝවක් සඳහා ගෙඩි අටක් පමණ අන්තර්ගත විය යුතු බවද රජය ලූනු ගොවීන්ට කොන්දේසි පනවා ඇත. ඒ අනුව එම ලොකු ලූනු කිලෝවක ගැණුම් මිල දැක්වෙන්නේ රුපියල් 140 ක් ලෙසයි.

මෙච්චර අඩුවට රත්තරන් පිස්සු හැදෙන අද රන්මිල

දේශීය ලොකු ලූනු මිලදී ගැනීම සඳහා දඹුල්ල ආර්ථික මධ්‍යස්ථානයේ වෙන්කර ඇති ස්ථානය වෙත ඊයේ ගොවීන් පැමිණ සිටි අතර එහිදී ගොවීන්ගෙන් දැඩි විරෝධයක් එල්ල වුණා.

නමුත් එහි සිටි නිලධාරීන් පවසා ඇත්තේ පසුගිය 10 වැනිදායින් පසු මෙම ස්ථානයට දේශීය ලොකු ලූනු නොලැබුණු බවයි. මේ වනවිට තඹුත්තේගම, තලාව, නොච්චියාගම ආදී ප්‍රදේශවල ලොකු ලූනු ගොවීන් තවමත් සිය අස්වනු අලෙවි කරගත නොහැකිව අසරණව සිටින බව වාර්තා වේ.