රජයෙන් දෙන 25000 දීමනාව ලැබුනේ නැද්ද? දැවැන්ත විරෝධතාවයක්

තමන්ට රු.25000ක රජයෙන් ලබා දුන් මුදල මෙතෙක් නොලැබුණ බව පවසමින් දිඹුල පතන පොලිස් වසමට අයත් ලොග්ගිල් වතුයායේ වතු කම්කරුවන් පිරිසක් විරෝධතාවයක නිරත වී ඇත.

ඒඅනුව හැටන් නුවරඑලිය ප්‍රධාන මාර්ගයේ කොටගල ලොග්ගිල් වතුයායට පිවිසෙන මාර්ගය අසලදී මෙම විරෝධතාවය සිදු කල අතර විරෝධතාවයේ නිරතව සිටි වතු කම්කරුවන් කියා සිටියේ දිට්වා සුලි කුණාටුවෙන් තම වතු නිවාස 46ක් ජලයෙන් යට වූ බවත්, එසේ ජලයෙන් යට වූ නිවාස අලුත්වැඩියා කර ගැනීම සදහා රජයෙන් ලබා දුන් රු.25000ක මුදල එම වතුයායේ කිහිප දෙනෙකුට පමණක් ලැබී ඇති බවයි.

පාසල් සිසුන්ට ආයෙත් රු.10000ක දීමනාවක් - කලින් දීමනා ගත්ත අයටත් දෙනවලු

වතුකම්කරුවන් වැඩිදුරටත් පවසා සිටියේ තමන් වතුකරයේ වෙනත් වෘත්තිය සමිතියක සාමාජිකයන් නිසා තමන්ට එම මුදල ලබා දීම ප්‍රතික්ෂේප කලේද යන්න පිලිබදව සැකයක් පවතින බවයි.

එමෙන්ම ඩෙවෝන් දිය ඇල්ලට ජලය ගලා බසිනා ඩෙවෝන් ඇල පිටාර ගැලීමෙන් ලොග්ගිල් වතුයායේ සහ ජනපදයේ නිවාස 46ක් අඩි 8-9 ඉහළට ජලයෙන් යට වූ බව මෙම විරෝධතාවය අතරට පැමිණි කොටගල ප්‍රාදේශීය සභාවේ (සජබ) මන්ත්‍රී පුෂ්පා විෂ්වනාදන් මහතා නුවරඑලිය දිස්ත්‍රික් ලේකම් තුෂාරි තෙන්නකෝන් මහත්මියට දුරකථන ඇමතුමක් ගෙන පවසා ඇත.

මෙන්න මෙයාලට රජයෙන් ණය පැකේජ - ළගම බැංකුවෙන් ගන්න පුළුවන්

දිස්ත්‍රික් ලේකම්වරිය කියා සිටියේ වසම භාර ග්‍රාමසේවා නිළධාරිවරයාගේ නිර්දේශමත මුදල් ගෙවීම් සිදු කර ඇති බවත්, එම මුදල කොටස් වශයෙන් ගෙවන නිසා ඉදිරියෙදි එම මුදල නොලැබුණ අයට එම මුදල ලැබෙන බවයි.